Ormstunga

03. Des. 2025 Námskeið um Sölku og Ormstungu Þjóðleikhúsið og Endurmenntun HÍ bjóða upp á fræðandi og skemmtileg námskeið í tengslum við leiksýningar. Námskeið um söngleikinn Ormstungu er nú í fullum gangi, en Torfi H. Tulinius fræddi þátttakendur um Gunnlaugs sögu Ormstungu og höfundar söngleiksins, Hafsteinn Níelsson og Ólíver Þorsteinsson, fjölluðu um tilurðs söngleiksins og söngleikjagerð á Íslandi. Í janúar munu þátttakendur koma í heimsókn á æfingu og loks á forsýningu á verkinu. Námskeið í tengslum við sýningu Þjóðleikhússins og Landnámsseturs Íslands á Sölku verður haldið í mars. Á námskeiðinu fjallar Halldór Guðmundsson um skáldsöguna Sölku Völku. Unnur Ösp Stefánsdóttir segir frá tildrögum sýningarinnar og nálgun sinni við efniviðinn. Námskeiðinu lýkur með sýningu verksins í Landnámssetrinu í Borgarnesi, og eftir sýningu er boðið upp á umræður með Unni Ösp. Námskeið um Sölku         FYRRI ALLAR Fréttir Næsta Mest lesið í Des. 03. Des. 2025 Forsala hafin á Söngleikinn Kabarett 03. Des. 2025 Aðventuvagn Þjóðleikhússins heldur af stað! 04. Des. 2025 Aukin áhersla á aðgengi ólíkra hópa …

18. Nóv. 2025 Forsala á Ormstungu hefst á fimmtudag Það verður mikið um dýrðir í janúar þegar Þjóðleikhúsið frumsýnir nýjan íslenskan söngleik sem byggir á Gunnlaugs sögu. Gísli Örn Garðarsson leikstýrir gríðarstórum leikhópi Þjóðleikhússins í kraftmikilli uppsetningu. Ormstunga er sígild saga sem er í senn spennandi, fyndin og hjartnæm. Forsala á sýninguna hefst fimmtudaginn 20. nóvember og stendur í fjóra daga en í boði er 2000 kr forsöluafsláttur. Sjá nánar Ólíver Þorsteinsson og Hafstein Níelsson, höfundar verksins Eiginlegar sviðsæfingar hófust í gær og gríðarleg stemning var í loftinu.  Söng- og kóræfingar hafa staðið undanfarna mánuði. Höfundarnir eru af yngstu kynslóð leikhúslistafólks og ná með glæsilegum hætti að vinna úr menningararfi okkar í nútímalegu og heillandi formi. Fjölmargir leikarar Þjóðleikhússins koma fram í þessari kraftmiklu sýningu sem margt af okkar færasta leikhúslistafólki tekur þátt í að skapa. Ormstunga er söngleikur fyrir unga sem aldna, með grípandi og fjölbreyttri tónlist. Saga um drauma, ástir og ill örlög. Frískleg og kraftmikil endursköpun á íslenskum menningararfi. Gunnlaugur Illugason, Hrafn Önundarson og Helga hin fagra Þorsteinsdóttir mynda einn frægasta ástarþríhyrning fornbókmenntanna. Of lengi hafa örlögin hrjáð þau en nú fyrir framan áhorfendur fá þau loksins að gera upp sín mál. Gísli Örn er þekktur fyrir töfrandi sýningar og hér leiðir hann einstakan leikhóp. Frægð og frami eða ástin? Tónlistarstjóri er Jóhjannes Damian R. Patreksson, betur þekktur sem Jói Pé.   Leikarar: Jakob van Oosterhout / Gunnlaugur Kristinn Óli S. Haraldsson / Hrafn Rán Ragnarsdóttir / Helga Almar Blær Sigurjónsson Atli Rafn Sigurðarson Birta Sólveig Söring Þórisdóttir Edda Arnljótsdóttir Eygló Hilmarsdóttir Guðjón Davíð Karlsson Hallgrímur Ólafsson Ilmur Kristjánsdóttir Kjartan Darri Kristjánsson Nick Candy Oddur Júlíusson Ólafía Hrönn Jónsdóttir Pálmi Gestsson Selma Rán Lima Sigurbjartur Sturla Atlason Steinunn Ólína Þorsteinsdóttir (í leyfi) Örn Árnason   Listi yfir listræna stjórnendur Leikstjóri Gísli Örn Garðarsson Tónlistarstjórn Jóhannes Damian R. …

10. Jún. 2025 Ormstunga er glænýr íslenskur söngleikur sem verður frumsýndur á Stóra sviðinu á næsta leikári Ormstunga er glænýr íslenskur söngleikur sem verður sýndur á Stóra sviði Þjóðleikhússins á næsta leikári. Söngleikurinn byggir á Gunnlaugs sögu Ormstungu og er eftir þá Hafstein Níelsson og Ólíver Þorsteinsson. Gísli Örn Garðarsson leikstýrir verkinu þar sem unnið er með glæsilegum hætti úr menningararfi okkar í nútímalegu og heillandi formi. Orka og ferskleiki söngleikjaformsins mætir átakaþrungnum heimi Íslendingasagnanna. Boðið verður upp á sannkallaða leikhústöfra og sjónarspil eins og Gísla Erni er einum lagið og frábær hljómsveit mun flytja brakandi ferska tónlist. Vertu fremst í röðinni þegar miðasala hefst: Skráðu þig á forsölulista Takk fyrir skráninguna – við sendum þér póst þegar miðasala hefst! Ormstunga forsöluskráning NAFN SÍMANÚMER NETFANG SKRÁ MIG Á PÓSTLISTA SKRÁ MIG Höfundarnir upplifa drauminn Þeir Hafsteinn Níelsson og Ólíver Þorsteinsson eru höfundar söngleiksins Ormstungu en uppsetning verksins var jafnframt lokaverkefni Hafsteins á 2. ári sviðslistabrautar Listaháskólans. Nemendasýningin sló í gegn, var sýnd þrisvar sinnum fyrir troðfullum sal og öllum sem sáu var ljóst að þarna var eitthvað alveg einstakt á ferðinni. Síðastliðið ár hafa þeir í samstarfi við Gísla Örn Garðarsson unnið að áframhaldandi þróun verksins og fengu Jóhann Damian R. Patreksson (JóaPé) í hlutverk tónlistarstjóra og meðhöfundar tónlistar. Ólíver Þorsteinsson og Hafstein Níelsson, höfundar verksins Stórkostlegur leikhópur Það verður vígalegur hópur leikara sem mun prýða sýninguna, en í hlutverkum Helgu, Gunnlaugs og Hrafns verða þrír ungir leikarar sem hafa heillað á síðustu misserum, þau Jakob von Oosterhout, Rán Ragnarsdóttir og Kristinn Óli Haraldsson (Króli). Þau eru umvafinn öðrum frábærum leikurum, reynsluboltum og nýjum kröftum en meðal þeirra eru Almar Blær Sigurjónsson, Atli Rafn Sigurðarson, Birta Sólveig Söring Þórisdóttir, Edda Arnljótsdóttir, Eygló Hilmarsdóttir, Guðjón Davíð Karlsson, Hallgrímur Ólafsson, Ilmur Kristjánsdóttir, Kjartan Darri Kristjánsson, Oddur Júlíusson, Ólafía Hrönn Jónsdóttir, Pálmi Gestsson, …