14. Okt. 2026 Þar sem hversdagsleikinn og eilífðin mætast Viðtal við Friðgeir Einarsson, leikskáld sýningarinnar Nýtt eldhús eftir máli Hver var kveikjan að þessu verki, hvar hófst þetta ferðalag? Mér var boðið að vera með vinnustofu hér í Þjóðleikhúsinu og taka síðan þátt í leikritahátíðinni Gula dreglinum. Það freistaði mín en mig vantaði hugmynd að verki. Ég hafði þá nokkru áður skrifað og gefið út smásögu um mann sem er með þráhyggju fyrir eldhúsinnréttingum og hugsaði með mér að hún gæti verið vísir að stærra verki. Smásagan heitir eins og leikritið Nýtt eldhús eftir máli og vísar þannig til smásögu Svövu Jakobsdóttur, Eldhús eftir máli, án þess að byggjast á henni að öðru leyti. Þar kynnir sig þessi persóna sem verður síðan aðalpersónan í leikverkinu.   Margir munu koma til með að velta fyrir sér tengslum þessa verks við smásögu Svövu Jakobsdóttur. Þar er það konan sem verður eins konar fangi nýs eldhúss sem eiginmaður hennar sérsníður handa henni, en í leikritinu þínu er það Daníel sem er nokkurs konar fangi draumsins um nýtt eldhús. Hvernig myndir þú segja að þessi verk tengdust? Í sögu Svövu hannar karl eldhús fyrir konuna sína, sníður það til svo það sé alveg fullkomið fyrir hana, en á endanum skiptir hann líka út konunni og fær sér nýja sem passar betur inn í þessa draumsýn. Leikritið mitt fjallar um karl sem vill sníða eldhús fyrir sjálfan sig, og fer af því tilefni að setja spurningarmerki við eldhúshönnun yfirhöfuð. Í dag búum við við allt annan veruleika en Svava og hennar lesendur gerðu þegar sú saga kom út. Karlar eru í auknum mæli farnir að taka til hendinni í eldhúsinu og á heimilinu almennt, og hef ég auðvitað ekkert nema gott um það að segja, svo það komi fram. Í Daníel býr hins vegar ákveðin …

13. Okt. 2026 Námskeið í framleiðslu sviðsverka í Þjóðleikhúsinu Þann 24. október stendur Þjóðleikhúsið fyrir hagnýtu námskeiði í framleiðslu og verkefnastjórnun sviðsverka. Námskeiðið er hluti af stærra verkefni þar sem leikhúsið eflir grasrótina með sérstökum námskeiðum fyrir áhugaleikfélög og framhaldsskólaleikfélög. Áhugaleikfélög landsins eru mikil auðlind og sinna gríðarlega mikilvægu starfi um allt land. Til að nýta þá þekkingu og hæfni sem býr í Þjóðleikhúsinu og styðja við þetta mikilvæga starf verður boðið upp á þrjú námskeið á leikárinu 2026–2027. Fyrsta námskeiðið verður í framleiðslu sviðsverka, en í janúar 2027 bætast við námskeið í ljósa- og hljóðhönnun og sýningarstjórnun. Öll námskeiðin eru kennd í Þjóðleikhúsinu af fagfólki hússins.   Framleiðsla og verkefnastjórnun   Námskeiðið þann 24. október hentar einkar vel stjórnar- og nefndarmeðlimum leikfélaga, sem og öllum þeim sem vilja dýpka þekkingu sína á verkefnastýringu og framleiðslu leiksýninga. Áhersla er lögð á undirbúningsvinnuna áður en æfingar hefjast, en einnig á eftirfylgni með framleiðsluferlinu allt fram að frumsýningu. Þátttakendur fá tækifæri til að efla færni sína í skipulagi, samskiptum og lausnamiðaðri hugsun sem er nauðsynleg í lifandi sviðslistum. Á námskeiðinu verður víða komið við og hlutverk framleiðandans og framleiðslustjórans skoðuð ítarlega. Farið verður í gegnum hugmyndavinnu, val á verkefnum og starfsfólki ásamt mikilvægri undirbúningsvinnu sem snýr að rými, höfundarrétti og áhættustjórnun auk öryggismála í framleiðslu. Einnig verður tekið á fjármögnun verkefna og fjármálastjórnun, markaðssetningu sýninga, uppsetningu framleiðsluferlis og gerð framleiðsluáætlunar. Þá verður sérstök áhersla lögð á verkefnastjórnun, úthlutun tíma og skilvirk samskipti. Laugardaginn 24. október – Kl. 09:30 – 15:00 Verð: 15.000 krónur Skráning hér FYRRI ALLAR Fréttir Næsta Mest lesið í Okt. 15. Okt. 2026 Högg. Magnað verðlaunaverk frumsýnt á Stóra sviði Þjóðleikhússins 14. Okt. 2026 Þar sem hversdagsleikinn og eilífðin mætast …