fbpx
/
Örugg saman í salnum

Kæri gestur, okkur í Þjóðleikhúsinu þykir ákaflega vænt um að sjá þig í leikhúsinu. Við leggjum okkur fram um að gæta öryggis gesta og starfsfólks á tímum farsóttarinnar, í góðu samráði við sóttvarnaryfirvöld.

Njótum leikhússins saman og gætum að öryggi okkar um leið!

 

  • EKKERT MÁL AÐ BREYTA! – Ef þú finnur fyrir einkennum, lendir í sóttkví eða smitast er ekkert mál að breyta dagsetningu á miðunum þínum, á vefnum (allt að sólarhring fyrir sýningu) eða hjá miðasölu í síma 551 1200. Til að breyta dagsetningu rafrænt finnur þú tölvupóstinn sem þú fékkst með miðum/kvittun, ýtir á hnappinn “breyta miða”, og fylgir leiðbeiningum.
  • MÆTUM TÍMANLEGA í leikhúsið til að forðast raðir.
  • RAFRÆNIR MIÐAR – Nýtum rafræna miða og framvísum þeim með síma, eða sýnum miða sem við höfum prentað út fyrir sýningu. Verum tilbúin með miðann okkar og drögum þannig úr því að raðir myndist.
  • NÁNDARMÖRK – Raðað er í sæti í leikhúsinu samvæmt gildandi nándar- og fjöldatakmörkunum hverju sinni. Við biðjum gesti að halda þeirri fjarlægð í áhorfendarými sem óskað er á hverjum tíma. Nándartakmarkanir taka nú einnig til barna. Þegar fjöldatakmarkanir krefjast þess er áhorfendasvæði í Stóra salnum skipt í tvö sóttvarnarhólf, neðra svæði (bekkir 1.-14.) og efra svæði (bekkir 16.-24.).
  • NÚMERUÐ SÆTI – Gestum er einungis heimilt að sitja í þeim númeruðu sætum sem tilgreind eru á miða.
  • GRÍMUNOTKUN – Notum grímur allt frá því komið er í leikhúsið, einnig inni í sal á meðan á sýningu stendur. Ef þú gleymir grímunni þinni eigum við grímu fyrir þig!
  • HREINLÆTI – Við hvetjum gesti til að nota handspritt þegar komið er í leikhúsið, og eftir þörfum. Í leikhúsinu er gott aðgengi að vatni, sápu og handspritti. Við höfum aukið ræstingar og sótthreinsun snertiflata vegna farsóttarinnar.
  • SNERTILAUSAR GREIÐSLUR – Nýtum snertilausar greiðslur þegar miðar, varningur eða veitingar eru keyptar. Við tökum ekki við reiðufé um þessar mundir.
  • DRÖGUM ÚR HÓPAMYNDUN – Gætum þess að ekki myndist hópar í forsal eða við salerni. Best er að hafa persónulega muni sína og yfirhafnir hjá sér í stað þess að nýta fatahengi, ef unnt er.
  • FÖRUM VARLEGA – Gætum vel að persónulegum sóttvörnum og munum að heilsa hvert öðru án snertingar, til að vernda okkur sjálf og aðra.

Ef þú vilt frekari upplýsingar, ert með einhverjar áhyggjur eða ert með séróskir, þá biðjum við þig um að hafa samband og við gerum okkar besta til að tryggja að upplifun þín verði sem ánægjulegust og fyllst öryggis sé gætt.Þú getur haft samband í gegnum netfangið midasala@leikhusid.is og í síma 551 1200

Opnunartími miðasölu

Miðasala Þjóðleikhússins er opin:
virka daga frá kl. 14 – 18
um helgar frá 12 – 18
opið til 2o á sýningarkvöldum

Heimilisfang
Hverfisgata 19, 101 reykjavík
Sjá á korti
Sími