Hefur þú áhuga á því að starfa í Þjóðleikhúsinu?
Þjóðleikhúsið er lifandi og skapandi vinnustaður þar sem enginn dagur er eins.
Í Þjóðleikhúsinu starfa yfir eitt hundrað fastráðnir starfsmenn, lista- og leikhústæknifólk. Einnig fjölmargir verkefnaráðnir listrænir stjórnendur og listamenn, auk starfsfólks í tímavinnu við gestamóttöku, leikmyndaskiptingar, sviðsvinnu og fleira. Leikhúsið er jafnlaunavottaður vinnustaður þar sem jákvæð og uppbyggileg samskipti og skýrir ferlar eru í forgrunni.
The National Theatre of Iceland is a vibrant cultural institution with the mission to captivate and entertain audiences while also promoting thought, diversity, and inspiration. The National Theatre of Iceland actively engages in dialogue with the public and strives to cultivate a greater appreciation for the art of theatre. We are committed to inclusivity and endeavour to engage with diverse segments of society.
- Skráðu þig hér hafir þú áhuga á að vera á lista vegna tímavinnu í leikhúsinu.
- Register here to be considered for a contract based job at the NTI
Óperan auglýsir eftir repetitör/píanóleikara í fullt starf
Óperan óskar eftir að ráða reyndan repetitör/píanóleikara í fullt og ótímabundið starf. Haldnar verða prufur í Reykjavík dagana 21.–24. september 2026.
Umsóknarfrestur er til 24. ágúst 2026. Starfið hefst 1. janúar 2027.
Umsókn ásamt ferilskrá og kynningarbréfi á ensku eða íslensku skal senda á richard.schwennicke@leikhusid.is
Óperan áskilur sér rétt til að ráða engan umsækjanda í starfið ef hópur umsækjenda uppfyllir ekki ofangreind hæfniviðmið.
Öllum umsóknum verður svarað þegar ákvörðun um ráðningu liggur fyrir.
Við hvetjum öll áhugasöm, óháð kyni og uppruna, til að sækja um.
Umsóknarfrestur er til og með 24.08.2026
Helstu verkefni og ábyrgð
- undirbúningur söngvara
- undirleikur á sviðs- og tónlistaræfingum sem og í prufum
- píanó/semballeikur með hljómsveitum og kammerhópum
- undirleikur á tónleikum söngvara
- aðstoð við tónlistarstjóra og gestastjórnendur eftir þörfum
Hæfniskröfur
- háskólagráða í píanóleik, söngþjálfun (coaching) eða hljómsveitarstjórn
- framúrskarandi færni í píanóleik
- a.m.k. 2ja ára starfsreynsla sem repetitör í faglegu starfsumhverfi
- mjög góð enskukunnátta og hæfni til að leiða æfingar á ensku
- góð kunnátta í helstu óperutungumálunum (ítölsku, frönsku og þýsku)
- góð íslenskukunnátta eða vilji til að læra íslensku
Frekari upplýsingar um starfið
Óperan býður:
-
faglegt, spennandi og skapandi starfsumhverfi sem hluti af uppbyggingu nýrrar óperu
-
ótímabundna ráðningu að loknu sex mánaða reynslutímabili
-
laun samkvæmt gildandi kjarasamningum fjármála- og efnahagsráðherra við viðeigandi stéttarfélag
-
starfsmannahlunnindi Þjóðleikhússins þ.m.t. niðurgreiddur hádegismatur og samgöngustyrkur
-
stuðning við íslenskunám þar sem við á
Prufuupplýsingar
Prufur fara fram í Reykjavík dagana 21.–24. september 2026 og verður völdum umsækjendum boðið í prufu.
Umsækjendur eru beðnir um að undirbúa:
-
Mozart: Le nozze di Figaro, lokaþáttur 2. þáttar (Esci omai)
-
Bizet: Carmen, kvintett í 2. þætti (Nous avons en tête)
-
Richard Strauss (eitt af eftirfarandi):
-
Der Rosenkavalier: forleikur og aría Octavians (Wie du warst)
-
Salome: Judenquintett (Das kann nicht sein)
-
Elektra: Mägde-Szene (Wo bleibt Elektra?)
-
-
píanóverk að eigin vali
Þeir umsækjendur sem boðaðir verða í prufuspil fá sendar frekari upplýsingar um fleiri verk tveimur vikum fyrir prufuna.
