Hallgrímur útskrifaðist með BFA-gráðu frá Listaháskóla Íslands árið 2007 og hefur leikið í fjölda sýninga í Þjóðleikhúsinu, hjá Borgarleikhúsinu og Leikfélagi Akureyrar. Í vetur leikur hann hér Sem á himni og Hvað sem þið viljið. Hann lék hér m.a. í Rómeó og Júlíu, Kardemommubænum, Atómstöðinni, Slá í gegn, Einræðisherranum, Súper, Samþykki, Risaeðlunum, Djöflaeyjunni, Álfahöllinni, Móðurharðindunum, Hleyptu þeim rétta inn og Leitinni að jólunum. Hjá LR lék hann m.a. í Gauragangi, Elsku barni, Fjölskyldunni, Strýhærða Pétri, Hótel Volkswagen og Gullregni, og hjá LR m.a. í Óvitum og Ökutímum. Meðal verkefna í kvikmyndum og sjónvarpi eru Gullregn, Fangavaktin og Stelpurnar. Hann var tilnefndur til Grímunnar fyrir Rómeó og Júlíu, Hotel Volkswagen og Gullregn.

Nánar um feril:

Hallgrímur útskrifaðist með BFA gráðu frá Listaháskóla Íslands árið 2007. Hann hóf störf hjá LA strax að loknu námi og lék þar meðal annars í Óvitum og Ökutímum. Hér í Þjóðleikhúsinu hefur Hallgrímur leikið í Atómstöðinni, Kardemommubænum, Útsendingu, Slá í gegn, Svartalogni, Einræðisherranum, Súper, Loddaranum, Samþykki, Risaeðlunum, Fjarskalandi, Djöflaeyjunni, Álfahöllinni, Horft frá brúnni, Móðurharðindunum, Sporvagninum Girnd, Hleyptu þeim rétta inn, Leitinni að jólunum og Ævintýrum í Latabæ. Hann var jafnframt aðstoðarmaður leikstjóra í Fjalla-Eyvindi. Hallgrímur var fastráðinn við Borgarleikhúsið árin 2008-2014 og lék þar í fjölda sýninga, meðal annars í Fólkinu í blokkinni, Fló á skinni, Gauragangi, Elsku barni, Fólkinu í kjallaranum, Fanný og Alexander, Fjölskyldunni, Mary Poppins, Strýhærða Pétri, Refnum, Óskasteinum, Hótel Volkswagen og Gullregni. Hallgrímur hefur einnig leikið tökuvert í sjónvarpi og bíómyndum. m.a Gullregni, Agnes Joy, Fangavaktinni, Heimsenda, Rétti, Bakk og Stelpunum. Hallgrímur var tilnefndur til Grímunnar fyrir leik sinn í Hotel Volkswagen og Gullregni.