Hvað sem þið viljið

Hvað sem þið viljið

Gáskafull gleðisprengja með mörgum af okkar fremstu gamanleikurum!
SVIÐ
Kassinn
Svið
Kassinn
Höfundur
William Shakespeare
Leikstjóri
Ágústa Skúladóttir
Frumsýnt
Janúar 2023

Ærslagangur, tónlist  og hjörtu barmafull af ást í kynjaskógi Shakespeares.

Þessi galsafulla gleðisýning færir okkur skemmtilegasta gamanleik Shakespeares í splunkunýjum búningi, þar sem möguleikar leikhússins eru nýttir á frjóan og ævintýralegan hátt og list leikarans er í forgrunni. Ágústa Skúladóttir leikstjóri er þekkt fyrir fjörugar, litríkar og heillandi sýningar, og nú hefur Karl Ágúst Úlfsson endurort texta skáldsins á léttleikandi nútímamál í nýrri leikgerð sem er full af húmor og brotin upp af stórskemmtilegri tónlist. Margir okkar flinkustu gamanleikarar blása nýju lífi í ógleymanlegar persónur Shakespeares.

Veröldin er leiksvið!

Elskendurnir ungu Rósalind og Orlandó neyðast til að flýja, hvort í sínu lagi, undan ofsóknum. Þau hrekjast út í skógana miklu, þar sem þeirra bíða kostuleg ævintýri meðal annarra útlaga. Dulargervi, margfaldur misskilningur, ráðabrugg, fíflalæti og eldheitar ástríður!

 

Námskeið hjá Endurmenntun HÍ í tengslum við sýninguna.

Karl Ágúst Úlfsson þýðandi fjallar um þennan bráðskemmtilega gamanleik Shakespeares og glímu þeirra Ágústu Skúladóttur leikstjóra við að aðlaga hann að samtímanum. Fyrirlestur, lokaæfing og umræður. Skráning hjá Endurmenntun HÍ.

Er ástin allt sem þarf? Það sögðu Bítlarnir, Shakespeare var sammála – og það erum við líka!

Ágústa og Karl Ágúst

Listrænir stjórnendur

Leikstjórn og leikgerð
Þýðing og leikgerð
Tónlist og tónlistarstjórn
Leikmynd og búningar
Opnunartími miðasölu

Miðasala Þjóðleikhússins er opin frá kl. 14 – 18 og til kl. 20.00 á sýningarkvöldum.

Heimilisfang
Hverfisgata 19, 101 reykjavík
Sjá á korti
Sími