Guðjón Davíð Karlsson útskrifaðist úr leiklistardeild LHÍ 2005. Hann hefur leikið í fjölda verkefna í leikhúsi, sjónvarpi og kvikmyndum, samið leikrit og handrit sjónvarpsmynda og leikstýrt í leikhúsi og sjónvarpi. Hann leikur Ólaf í Frosti og í Eltum veðrið og Yermu í Þjóðleikhúsinu í vetur, og lék nýlega í Verkinu Hvað sem þið viljið, Jólaboðinu og Nashyrningunum. Hann var fastráðinn við Leikfélag Akureyrar 2005, Borgarleikhúsið 2008 og Þjóðleikhúsið 2015. Í Þjóðleikhúsinu samdi hann, í samvinnu við Birgittu Haukdal, Láru og Ljónsa og leikstýrði sýningunni. Hann leikstýrði og samdi Slá í gegn, samdi Fjarskaland og leikstýrði Útsendingu. Hann var tilnefndur til Grímunnar fyrir leik sinn í Loddaranum og Húsinu, og fyrir söng í Jónsmessunæturdraumi.
Nám:
Útskrifaðist frá leiklistardeild Listaháskóla Íslands vorið 2005.
Þjóðleikhúsið:
Í Þjóðleikhúsinu hefur Guðjón meðal annars leikið í Hvað sem þið viljið, Jólaboðinu, Sem á himni, Nashyrningunum, Shakespeare verður ástfanginn, Einræðisherranum, Jónsmessunæturdraumi, Loddaranum, Risaeðlunum, Djöflaeyjunni, Húsinu, Óþelló, Í hjarta Hróa hattar og Sporvagninum Girnd.
Hann samdi Stuðmannasöngleikinn Slá í gegn og fjölskyldusöngleikinn Fjarskaland fyrir Þjóðleikhúsið. Hann leikstýrði Jólasögu Láru og Ljónsa, Slá í gegn og Útsendingu í Þjóðleikhúsinu.
Leikfélag Akureyrar:
Hjá LA fór Guðjón með fjölmörg burðarhlutverk og lék m. a. Markó í Pakkinu á móti, Bjarna í Fullkomnu Brúðkaupi, Baldur í Litlu hryllingsbúðinni, Díma í Maríubjöllunni, Ralf í Herra Kolbert, Davey í Svörtum ketti og ýmis hlutverk í Ökutímum.
Borgarleikhúsið:
Guðjón lék m.a. í Fló á skinni, Fólkinu í blokkinni, Söngvaseið, Heima er best, Gauragangur, Fólkinu í kjallaranum, Ofviðrinu, Nei, ráðherra, Kirsuberjagarðinum, Eldhafi, Mary Poppins, Á sama tíma að ári, Beint í æð, Skálmöld og Er ekki nóg að elska.
Guðjón samdi leikgerð og lék ævintýrin Gói og eldfærin og Gói og baunagrasið sem sýnd voru í Borgarleikhúsinu.
Sjónvarp og kvikmyndir:
Guðjón samdi handrit og var umsjónarmaður Stundarinnar okkar á RÚV í nokkur ár. Hann hefur leikið í ýmsum kvikmyndum og sjónvarpsþáttum, sjá hér.
Verðlaun og viðurkenningar:
Guðjón var tilnefndur til Grímunnar fyrir leik sinn í Loddaranum og Húsinu, og fyrir söng í Jónsmessunæturdraumi.
