Leikari

Sigríður Eyrún Friðriksdóttir (Sigga Eyrún) útskrifaðist úr söngleikjadeild Guildford School of Acting í Bretlandi. Hún lærði söng í Söngskólanum í Reykjavík, FÍH og CVI og er með kennsluréttindi (M.Art.Ed) frá LHÍ. Hún leikur í Línu Langsokk og Ormstungu í vetur og önnur verkefni í Þjóðleikhúsinu eru Sem á himni, Framúrskarandi vinkona, Kardemommubærinn, Nashyrningarnir, Leitin að jólunum og Vesalingarnir. Hún lék m.a. í Endurminningum Valkyrju í Tjarnarbíói, Mary Poppins, Sarínó Sirkúsnum, Gretti og Superstar í Borgarleikhúsinu, Hrekkjusvínum í Gamla bíói og Uppnámi (Viggó og Víóletta) í Leikhúskjallaranum. Hún hefur talsett teiknimyndir og komið víða fram sem söngkona, meðal annars í Söngvakeppni RÚV, og gefið út tvær sólóplötur: Vaki eða sef (2014) og Lúllabæ (2025).