Lína Langsokkur

20. Maí. 2025 Birta Sólveig mun fara með stjörnuhlutverk Línu Langsokks Lína Langsokkur verður frumsýnd á Stóra sviði Þjóðleikhússins þann 13. september næstkomandi. Það hefur ríkt mikil spenna yfir því hver færi með hlutverk Línu. Í dag var það tilkynnt að nýjasta Línan yrði Birta Sólveig Söring Þórisdóttir. Hún bætist í hóp þeirra sem þegar hafa skinið skært í hlutverkinu í fyrri uppsetningum. Stórleikkonurnar Sigrún Edda Björnsdóttir, Margrét Vilhjálmsdóttir, Ilmur Kristjánsdóttir og Ágústa Eva Erlendsdóttir hafa farið með hlutverk Línu í Þjóðleikhúsinu og Borgarleikhúsinu. Eldri Línur komu saman til þess að bjóða Birtu velkomna í hópinn og það var eðlilega glatt á hjalla þegar þessi skemmtilegi hópur kom saman.    80 ára afmælisbarnið ber aldurinn vel Lína Langsokkur er meðal ástsælustu barnabóka hins vestræna heims og hefur notið gríðarlegra vinsælda meðal barna á Íslandi. Enda er Lína óborganlega skemmtileg og uppátækjasöm en sagan er einnig mannleg og falleg. Lína Langsokkur þykir frábær fyrirmynd – en nú eftir rúma viku verður því fagnað víða um heim að 80 ár eru liðin síðan þessi ástsæla persóna Astrid Lindgren leit dagsins ljós. Birta Sólveig Söring Þórisdóttir útskrifaðist af leikarabraut Listaháskóla Íslands í fyrra og lauk áður diplómanámi í söng við Complete Vocal Institute í Danmörku. Hún þreytti frumraun sína í Þjóðleikhúsinu í söngleiknum Stormi og lék Auði í Litlu hryllingsbúðinni hjá Leikfélagi Akureyrar. Birta hefur einnig tekið við hlutverkum í sýningunum Yermu og Frosti fyrr í vetur. Þar sem fimm Línur koma saman – þar er gaman! Sýningin verður gríðarlegt sjónarspil Sýningin um Línu Langsokk verður heljarinnar sjónarspil sem mun henta breiðum aldurshópi. Agnes Wild er leikstjóri sýningarinnar en hún hefur vakið mikla athygli fyrir frábærar barnasýningar. Karl Olgeirsson verður tónlistarstjóri en skemmst er að minnast einstakra útsetninga hans á lögunum í Kardemommubænum fyrir skemmstu, reynsluboltinn Finnur Arnar hannar leikmynd og Eva Björg Harðardóttir …

26. Feb. 2025 Lína Langsokkur, skráning í leikprufur er hafin Þjóðleikhúsið mun frumsýna stórsýningu um Línu Langsokk á Stóra sviðinu næsta haust. Lína Langsokkur er eitt ástsælasta leikverk allra tíma fyrir yngstu kynslóðina – og hver kynslóð þarf að kynnast sterkustu stelpu í heimi sem lætur sig ekki muna um að lyfta hestinum sínum á góðum degi eða hafa tvær löggur undir ef því er að skipta. Við leitum að 10 – 15 ára krökkum! Skráning í leikprufur er hafin Í tengslum við sýninguna verða haldnar prufur fyrir krakka á aldrinum 10-15 ára, (fædd 2010 til og með 2015) en alls er verið að leita að sextán krökkum til þess að deila átta hlutverkum. Síðasti skiladagur umsókna er sunnudagurinn 9. mars!  Skráning og upplýsingar Hver verður Lína? Ætíð er mikill spenningur fyrir því hver leikur Línu og vini hennar Tomma og Önnu, auk allra hinna. Leikararnir sem fara með öll þessi hlutverk og önnur verða kynntir í mars en á sama tíma hefjast prufur fyrir börn sem hafa áhuga á að taka þátt í sýningunni við hlið atvinnuleikaranna. Mikið sjónarspil framundan á Stóra sviðinu Sýningin um Línu Langsokk verður heljarinnar sjónarspil sem mun henta breiðum aldurshópi. Agnes Wild er leikstjóri sýningarinnar en hún hefur vakið mikla athygli fyrir frábærar barnasýningar. Karl Olgeirsson verður tónlistarstjóri en skemmst er að minnast einstakra útsetninga hans á lögunum í Kardemommubænum fyrir skemmstu, reynsluboltinn Finnur Arnar hannar leikmynd og Eva Björg Harðardóttir er búningahöfundur. Þórarinn Eldjárn er þýðandi verksins. Nú geta allir farið að hlakka til að kíkja inn á Sjónarhól í Þjóðleikhúsinu á næsta leikári. FYRRI ALLAR Fréttir Næsta Mest lesið í Feb. 19. Feb. 2025 Lína Langsokkur, hin eina sanna, frumsýnd á Stóra sviðinu í haust 03. Feb. 2025 Heim. Nýtt verk eftir Hrafnhildi Hagalín frumsýnt 7. febrúar í Þjóðleikhúsinu 06. Feb. 2025 …

19. Feb. 2025 Lína Langsokkur, hin eina sanna, frumsýnd á Stóra sviðinu í haust Þjóðleikhúsið mun frumsýna stórsýningu um Línu Langsokk á Stóra sviðinu næsta haust. Lína Langsokkur er eitt ástsælasta leikverk allra tíma fyrir yngstu kynslóðina – og hver kynslóð þarf að kynnast sterkustu stelpu í heimi sem lætur sig ekki muna um að lyfta hestinum sínum á góðum degi eða hafa tvær löggur undir ef því er að skipta. Skráðu þig til að vera fremst í forsöluröðinni! Forsala á Línu hefst 20. mars. Sérstakur forsöluafsláttur, 1000 kr. af hverjum miða, verður í boði fyrstu tvo daga forsölunnar! Það er því til mikils að vinna að tryggja sér miða strax. FORSÖLUSKRÁNING Takk fyrir, skráning móttekin! Lína Langsokkur- forsöluskráning Þau sem skrá sig hér verða fremst í röðinni þegar forsalan hefst 20. mars! NAFN SÍMANÚMER NETFANG SKRÁ MIG Á PÓSTLISTA SKRÁ MIG   Hlutverkaskipan tilkynnt síðar og leikprufur fyrir börn Ætíð ríkir mikil eftirvænting gagnvart því hverjir leika Línu og vini hennar Tomma og Önnu, auk Prússólínar, lögreglumannanna Klængs og Hængs eða þjófanna Glúms og Gláms. Nöfn leikaranna sem fara með öll þessi hlutverk og önnur verða tilkynnt í mars en á sama tíma hefjast prufur fyrir börn sem hafa áhuga á að taka þátt í sýningunni við hlið atvinnuleikaranna. Í fyrri uppsetningum í atvinnuleikhúsi á Línu Langsokk hafa m.a. stórleikkonurnar Sigrún Edda Björnsdóttir, Margrét Vilhjálmsdóttir, Ilmur Kristjánsdóttir og Ágústa Eva Erlendsdóttir farið með hlutverk Línu – en hver það verður nú verður opinberað í mars. Allt um leikprufur Mikið sjónarspil framundan á Stóra sviðinu Sýningin um Línu Langsokk verður heljarinnar sjónarspil sem mun henta breiðum aldurshópi. Agnes Wild er leikstjóri sýningarinnar en hún hefur vakið mikla athygli fyrir frábærar barnasýningar. Karl Olgeirsson verður tónlistarstjóri en skemmst er að minnast einstakra útsetninga hans á lögunum í Kardemommubænum fyrir skemmstu, reynsluboltinn Finnur …