Elma Rún er danshöfundur í Línu Langsokk í Þjóðleikhúsinu.

Elma Rún hefur stundað sviðslistanám í New York og Barcelona og sótt fjölbreytt námskeið í söng, leiklist og dansi bæði á Íslandi og erlendis.

Elma er einn af stofnendum Ungleikhússins, sviðslistaskóla fyrir börn með brennandi áhuga á leik, söng og dansi. Hún hefur samið og leikstýrt fjölda söngleikja- og dansatriða fyrir börn, en bæði hún og nemendur hennar hafa á undanförnum árum unnið til fjölmargra verðlauna á Dance World Cup, heimsmeistaramóti í dansi.

Elma hefur tekið þátt í fjölda sýninga. Fyrsta atvinnusýning hennar var uppfærsla á We Will Rock You í Háskólabíói haustið 2019, og í kjölfarið lá leið hennar til Akureyrar þar sem hún dansaði í Chicago hjá Leikfélagi Akureyrar. Árið 2024 var hún bæði danshöfundur og dansari í Söngvakeppninni.

Lína Langsokkur er fyrsta sýning Elmu í Þjóðleikhúsinu.