Ebba Katrín Finnsdóttir útskrifaðist af leikarabraut Listaháskóla Íslands vorið 2018. Ebba leikur í Óresteiu og Línu Langsokk í Þjóðleikhúsinu í vetur, og er aðstoðarmaður leikstjóra í Höggi. Hún lék hér m.a. í einleiknum Orð gegn orði, Ellen B., Rómeó og Júlíu, Meistaranum og Margarítu, Nokkrum augnablikum um nótt, Ást og upplýsingum og Atómstöðinni. Hún lék í Temple of Alternative Histories í Staatstheater Kassel í Þýskalandi. Hún lék í Dúkkuheimili 2. hluta, NÚNA 2019, Hamlet litla og Matthildi í Borgarleikhúsinu. Ebba lék aðalhlutverkið í sjónvarpsþáttaröðinni Húsó og leikur aðalhlutverkið í sjónvarpsþáttaröðinni Hildur sem verður frumsýnd í ársbyrjun 2026. Meðal kvikmynda og sjónvarpsmynda sem hún hefur leikið í eru Danska konan, King & Conqueror, 112 Reykjavík, Vigdís, Nokkur augnablik um nótt, Mannasiðir, Agnes Joy og Venjulegt fólk. Ebba Katrín hlaut Grímuverðlaunin fyrir leik sinn í Atómstöðinni og var tilnefnd fyrir Orð gegn orði, Rómeó og Júlíu, Ellen B. og Matthildi, og fyrir tónlist ársins í Rómeó og Júlíu. Ebba var bæjarlistamaður Hafnarfjarðar árið 2024 og hlaut Stefaníustjakann árið 2025.
Nánar um feril:
Ebba Katrín útskrifaðist af leikarabraut Listaháskóla Íslands vorið 2018. Eftir útskrift starfaði hún við Borgarleikhúsið þar sem hún lék Emmu í Dúkkuheimili 2. hluti, Marínu í NÚNA 2019, Ófelíu og Laertes í Hamlet litli og Filippíu í söngleiknum Matthildur.
Ebba starfar nú við Þjóðleikhúsið. Fyrsta verkefni hennar í Þjóðleikhúsinu var hlutverk Uglu í Atómstöðinni í leikstjórn Unu Þorleifsdóttur. Önnur hlutverk eru Tessa Ensler í einleiknum Orð gegn orði á stóra sviði Þjóðleikhússins, Klara; Ellen Babic, Júlía; Rómeó og Júlía, Korovief; Meistarinn og Margaríta, Björk; Nokkur augnablik um nótt og ýmis hlutverk í Ást og Upplýsingar. Sumarið 2022 fór hún með hlutverk Brynhildar Buðladóttur og völvu í uppsetningu Þorleifs Arnar Arnarssonar; Temple of Alternative Histories sem sýnt var í Staatstheater Kassel, Þýskalandi.
Ebba leikur aðalhlutverkið í þáttaröðinni HILDUR sem frumsýnd verður í janúar 2026 og í HÚSÓ sem sýnt var á RÚV vorið 2024. Önnur kvikmyndaverkefni eru King & Conqueror, Danska Konan, VIGDÍS, Nokkur Augnablik Um Nótt, Mannasiðir, Agnes Joy, Venjulegt Fólk, Áramótaskaupi sjónvarpsins og stuttmyndunum Samræmi og Sorg étur hjarta. Ebba Katrín hlaut Grímuverðlaunin 2020 sem besta leikkona í aðalhlutverki fyrir túlkun sína á Uglu í Atómstöðinni og hefur verið tilnefnd sem leikkona ársins í aðalhlutverki fyrir hlutverk sítt í Orð gegn orði og Rómeó & Júlíu, tilnefnd sem leikkona ársins í aukahlutverki fyrir hlutverk sitt í Ellen Babic og Matthildi og tilnefnd fyrir tónlist ársins fyrir sýninguna Rómeó og Júlía.
