Draumaþjófurinn

Draumaþjófurinn

Æsispennandi ferðalag fyrir alla fjölskylduna!
Svið
Stóra sviðið
Leikstjóri
Stefán Jónsson
Höfundur
Gunnar Helgason
Frumsýnt
mars 2023

Ævintýraleg stórsýning byggð á einni vinsælustu barnabók síðustu ára 

Draumaþjófurinn er glænýtt íslenskt leikverk byggt á bók Gunnars Helgasonar sem hrífur bæði börn og fullorðna. Æsispennandi þroskasaga, með litskrúðugum og skemmtilegum persónum, þar sem tekist er á við margt sem skiptir okkur svo miklu máli í dag. Sagan birtist hér í sannkallaðri stórsýningu með grípandi lögum, miklu sjónarspili og óviðjafnanlegum dansatriðum.

Leikgerð gerir Björk Jakobsdóttir, Stefán Jónsson leikstýrir og Þorvaldur Bjarni Þorvaldsson semur nýja tónlist fyrir sýninguna.

Stórsýning þar sem öllu er tjaldað til

Í Draumaþjófnum hverfum við inn í litríkan, spennandi og stórhættulegan söguheim sem á engan sinn líka! Hetjan okkar hún Eyrnastór Aðalbarn Gullfalleg Rottudís – eða bara Eyrdís – þarf að taka á öllu sínu og uppgötva hugrekkið innra með sér þegar líf hennar umbreytist á svipstundu.

Í Hafnarlandi er allt eins og það á að vera og rotturnar þekkja sinn sess í lífinu: Safnarar safna mat, Njósnarar njósna, Bardagarottur halda óvinum frá og Étarar éta og hafa það gott. Efst í virðingarstiganum gnæfir Skögultönn foringi sem öllu ræður. En daginn sem Eyrdís dóttir Skögultannar gerir uppreisn tekur sagan óvænta stefnu. Rottuprinsessan litla neyðist til að flýja inn í Borgina þar sem hættur eru á hverju strái og framandi rottur leika lausum hala. Sjálfur Draumaþjófurinn er sendur til að bjarga henni – eða til að deyja!

Gunnar Helgason þarf ekki að kynna, en hann hefur á undanförnum árum sent frá sér hverja metsölubókina á fætur annarri fyrir börn og unnið til bæði Íslensku bókmenntaverðlaunanna og Bókaverðlauna barnanna.

Leikhúsnámskeið með Gunnari Helgasyni fyrir börn og fullorðna í tengslum við sýninguna

Þjóðleikhúsið og Endurmenntun HÍ bjóða upp á skemmtilegt námskeið fyrir þátttakendur á öllum aldri, í tengslum við sýningu leikhússins á Draumaþjófnum.

Þátttakendur koma í heimsókn í leikhúsið. Gunnar Helgason, höfundur bókarinnar sem leikritið er byggt á, og Björk Jakobsdóttir, höfundur leikgerðarinnar, segja frá verkinu og því hvernig leiksýning byggð á bók verður til. Farið verður í könnunarleiðangur um ævintýralega leikmyndina á Stóra sviðinu í fylgd Ilmar Stefánsdóttur leikmyndahöfundar og gestir fá innsýn í töfraveröld leikhússins að tjaldabaki. Eftir stutt hádegishlé hefst svo leiksýningin sjálf.

Skráning hjá Endurmenntun HÍ.

Kannski verður sagt: “Mér finnst leikritið betra en bókin“. En það er allt í lagi! Ég er bara svo fáránlega spenntur að sjá persónurnar og heiminn springa út á Stóra sviðinu!

Gunnar Helgason

Leikarar

Listrænir stjórnendur

Leikstjórn
Höfundur bókar
Tónlist og tónlistarstjórn
Dansar og sviðshreyfingar
Myndbandshönnun
Opnunartími miðasölu

Miðasala Þjóðleikhússins er opin frá kl. 14 – 18 og til kl. 20.00 á sýningarkvöldum.

Heimilisfang
Hverfisgata 19, 101 reykjavík
Sjá á korti
Sími