Viktoría Sigurðardóttir útskrifaðist sem leikkona frá London College of Music með BA í Musical Theatre vorið 2016.

Í vetur leikur hún í Draumaþjófnum sem er fyrsta verkefni hennar við Þjóðleikhúsið. Einnig leikur hún í söngleiknum FIMM ÁR í Tjarnarbíói, Fuglabjarginu í Borgarleikhúsinu og Ávaxtakörfunni í Hörpu.

Stuttu eftir útskrift lék hún í Rocky Horror Show, Matthildi og leikskólasýningu ársins í uppfærslu Borgarleikhússins, Vorið vaknar í uppfærslu Leikfélags Akureyrar og Bakkabræðrum með Leikhópnum Lottu. Sumarið 2019 lék hún í uppfærslu af We Will Rock You í Háskólabíói. Viktoría hélt einsöngstónleika í Hörpu í tónleikaröðinni Velkomin heim árið 2018. Í London hlaut hún The Griffiths Prize og The Andrew Lloyd Webber prize fyrir leiktúlkun í söng og fór hún með hlutverk Minu Murrey í Dracula the Musical eftir Alex Loveless og hlutverk Emmu Goldman og húsfreyjunnar í Assassins eftir Stephen Sondheim.

Viktoría var tilnefnd sem leikkona ársins á Sögum verðlaunahátíð barna árið 2021.