Kardemommu­bærinn

01. Jún. 2021 Kardemommubærinn tilnefndur sem sýning ársins á Sögum, verðlaunahátíð barnanna Þau ánægjulegu tíðindi bárust á dögunum að Kardemommubærinn hafi fengið nokkrar tilnefningar á Sögum-verðlaunahátíð barnanna. Sýningin var tilnefnd sem leiksýning ársins, ræningjarnir þrír og börnin fjögur sem skipta með sér hlutverkum Tommí og Kamillu eru tilnefnd sem leikarar ársins. Með hlutverk ræningjanna fara þeir Hallgrímur Ólafsson, Oddur Júlíusson og Sverrir Þór Sverrison. Börnin fjögur sem leika Tommí og Kamillu eru Bergþóra Hildur Andradóttir, Vala Frostadóttir, Jón Arnór Pétursson og Arnaldur Halldórsson.   Verðlaunahátíðin, sem fer fram í Hörpu laugardaginn 5. júní kl 19.45, verður í beinni útsendingu á RÚV. Sögur eru skemmtilegasta verðlaunahátíð landsins. Þar fá börn á aldrinum 6-12 ára tækifæri til að verðlauna það sem þeim hefur þótt skara fram úr í barnamenningu á árinu sem er að líða. Jón Arnór Pétursson, Vala Frostadóttir, Bergþóra Árnadóttir og Arnaldur Halldórsson eru tilnefnd sem leikarar ársins á Sögum-verðlaunahátíð barnanna. Þau skipta með sér hlutverkum Tommí og Kammillu í Kardemommubænum. FYRRI ALLAR Fréttir Næsta Mest lesið í Jún. 12. Jún. 2021 Langar þig að vinna í framhúsi Þjóðleikhússins? 04. Jún. 2021 Almar Blær, nýútskrifaður leikari á samning hjá Þjóðleikhúsinu 08. Jún. 2021 Vertu úlfur hlýtur sjö tilnefningar til Grímunnar í ár …

Sýningar á Kardemommubænum hefjast aftur í Þjóðleikhúsinu um helgina. Alls eiga um 20 þúsund gestir miða og á næstu dögum og vikum munu þeir fá boð um nýja sýningardaga. Miðað við núverandi samkomutakmarkanir er aðeins gert ráð fyrir 150 fullorðnum í sóttvarnarhólf og ljóst er að dreifa verður gestum á mun fleiri sýningar en seldar voru í upphafi. Sérstakur þjónustuvefur, kardemommubaerinn.is, hefur verið settur í loftið til að einfalda miðaeigendum að tryggja sér nýja sýningardaga. Mikill áhugi fullorðinna gesta setur strik í reikninginn því gæta þarf meiri fjarlægðar á milli þeirra en barna.   …

Geisladiskur og vínilplata með lögum Thorbjörns Egners úr Kardemommubænum, í nýjum útsetningum Karls Olgeirs Olgeirssonar og flutningi leikara og tónlistarfólks í sýningu Þjóðleikhússins er kominn út.Við minnum á skemmtilegt gjafakortatilboð nú fyrir jólin:Kostaboð Bastíans bæjarfógetaGjafakort fyrir tvo á Kardemommubæinn ásamt leikskrá og tónlistinni á geisladiski.Aðeins 12.900 kr.Varningur tengdur Kardemommubænum …

09. Júl. 2020 Ágústa Skúladóttir leikstýrir einstaklega fjörugri uppsetningu á Kardemommubænum Frumsýningu á þessu ástsæla leikriti Thorbjörns Egners hefur verið frestað tvisvar vegna aðstæðna í samfélaginu, en nú treystum við á að það fari að styttast í að tjöldin verði dregin frá og þyrstir leikhúsgestir á öllum aldri fái að sjá dýrðina! Ágústa Skúladóttir hefur staðið í ströngu sem leikstjóri Kardemommubæjarins en verkið bíður frumsýningar í Þjóðleikhúsinu. Tvisvar hefur þurft að fresta frumsýningu en það slær leikstjórann ekki út af laginu. Ágústa hefur tekist á við fjölda leikstjórnarverkefna og vakið mikla athygli fyrir stórkostlegar barna- og fjölskyldusýningar, sem og hugmyndaríkar og skemmtilegar sýningar fyrir fullorðna. Alls hafa tólf sýningar undir hennar stjórn fengið Grímutilnefningar sem barnasýningar ársins og fjórar þeirra hafa hampað Grímu. Nú styttist í að sjálfur Kardemommubærinn og kostulegir íbúar hans leiki lausum hala á Stóra sviði Þjóðleikhússins. „Það hefur verið mikil áskorun að æfa svona stóra og mannmarga leiksýningu við núverandi aðstæður. Við vorum komin vel af stað með æfingar áður en samkomubann var sett á í vor. Ofan á þann grunn höfum við svo unnið áfram í smærri hópum, eftir föngum, og sjáum nú loksins fram á að geta æft sýninguna með öllum leikhópnum. Þá getum við lagt lokahönd á þessa glæsilegu sýningu og við hlökkum gríðarlega til að geta loksins sýnt áhorfendum útkomuna.“ Aðspurð hvort að nýjunga megi vænta í uppsetningunni segir Ágústa að allar kynslóðir eigi sína eigin mynd af því hvernig Kardemommubærinn eigi að vera, byggða á fyrstu upplifun sinni af að sjá verkið á sviði, og sumir vilji alls ekki að farnar séu nýjar leiðir í sviðsetningu á verkinu. „En við megum ekki gleyma því að núna er að vaxa úr grasi kynslóð sem mun horfa til þessarar uppsetningar sem hinnar einu réttu“, segir Ágústa hlæjandi. „Við höfum lagt okkur fram um …