/
Starfsfólk Þjóðleikhússins

Ragnheiður K. Steindórsdóttir

/

Ragnheiður K. Steindórsdóttir lauk prófi frá The Bristol Old Vic Theatre School árið 1975. Hún hefur leikið fjölda hlutverka hjá Þjóðleikhúsinu (þar sem hún hefur verið fastráðin frá árinu 1983), LR, LA, leikhópum og í sjónvarpi og útvarpi. Í vetur leikur hún í Jólaboðinu, Ást og upplýsingum, Sem á himni og Kardemommubænum. Meðal fyrri verkefna hennar í Þjóðleikhúsinu eru Loddarinn, Kuggur, Eldraunin, Oliver, Hænuungarnir, Vesalingarnir, Dýrin í Hálsaskógi, Gæjar og píur, Fiðlarinn á þakinu, Ríkharður þriðji, Háskaleg kynni og Taktu lagið, Lóa! Meðal verkefna hjá Leikfélagi Reykjavíkur eru Skáld-Rósa og Undir álminum og hjá LA. lék hún hlutverk Elísu Doolittle í My Fair Lady. Ragnheiður lék Auði í kvikmyndinni Útlaganum, aðalkvenhlutverkið í Út í óvissuna hjá BBC Scotland og hefur leikið í fjölmörgum íslenskum sjónvarpsþáttaröðum, nú síðast Jarðarförinni minni, Brúðkaupinu mínu og Vitjunum.

 

Nánar um feril:

Ragnheiður Steindórsdóttir lauk prófi frá The Bristol Old Vic Theatre School árið 1975. Ragnheiður hefur leikið fjölda hlutverka hjá Þjóðleikhúsinu, LR, LA, ýmsum leikhópum sem og í sjónvarpi og útvarpi. Hún hefur verið fastráðin við Þjóðleikhúsið frá árinu 1983.

Í vetur leikur hún í Jólaboðinu, Ást og upplýsingum, Sem á himni og Kardemommubænum í Þjóðleikhúsinu.

Meðal nýlegra verkefna Ragnheiðar í Þjóðleikhúsinu eru Shakespeare verður ástfanginn, Loddarinn, Fjarskaland, Karitas, Fjalla-Eyvindur, Kuggur, Þingkonurnar, Eldraunin, Átta konur, Bakkynjur, Sumarljós, Þrettándakvöld, söngleikurinn Oliver, Hænuungarnir, Vesalingarnir, Dýrin í Hálsaskógi og Leitin að jólunum. Ennfremur lék hún í Segðu mér satt sem var sýnt í samstarfi við Leikfélagið Geirfugl í Þjóðleikhúsinu. Hér hefur hún farið með mörg aðalhlutverk í söngleikjum, til að mynda lék hún Söru Brown í Gæjum og píum 1984, Fantine í Vesalingunum 1987, Nancy í Oliver 1989 og einnig tók hún við hlutverki Goldu í Fiðlaranum á þakinu 1997. Meðal annarra eftirminnilegra hlutverka hennar má nefna Önnu prinsessu í Ríkharði þriðja, Magdalenu í Heimili Vernhörðu Alba, markgreifafrú Merteuil í Háskalegum kynnum, móður Ísbjargar í Ég heiti Ísbjörg Ég er ljón, Maggie í Dansað á haustvöku, þjónustustúlkuna í Blóðbrullaupi, Ratched yfirhjúkrunarkonu í Gaukshreiðrinu og Siddý í Taktu lagið, Lóa! Hún lék Brynju í Í hvítu myrkri, Pútönu í Leitt hún skyldi vera skækja, Farrah í Poppkorni, Fjólu móttökustjóra í Tveimur tvöföldum og ýmis hlutverk í Krítarhringnum í Kákasus. Hún lék Marie-Therese í Ástkonum Picassos, ýmis hlutverk í Antígónu, Sonju í Laufunum í Toscana, Betsý greifafrú og Mösju heitkonu Nikolajs í Önnu Kareninu, saungprófessorynjuna í Strompleiknum, mömmu Jóa í Jóni Oddi og Jóni Bjarna, Gunnhildi Borkmann í Jóni Gabríel Borkmann, ömmu skógarmús í Dýrunum í Hálsaskógi, Louise og Andreu í Edith Piaf og ýmis hlutverk í Halldóri í Hollywood og Túskildingsóperunni.

Ragnheiður lék ýmis hlutverk hjá Leikfélagi Reykjavíkur að loknu námi, meðal annars Lillu í Saumastofunni, Skáld-Rósu í samnefndu verki og Abbie í Undir álminum. Hún lék hlutverk Elísu Doolittle hjá Leikfélagi Akureyrar í My Fair Lady, í Glæsipíum með Alþýðuleikhúsinu, í Fyrirgefðu ehf. með Málamyndahópnum í Tjarnarbíói og í Það sem við gerum í einrúmi á vegum Smartílab í Tjarnarbíói.

Ragnheiður lék hlutverk Auðar í kvikmyndinni Útlaganum. Hún hefur farið með fjölmörg hlutverk í útvarpi, lék aðalkvenhlutverkið í sjónvarpsmyndaflokknum Út í óvissuna hjá BBC Scotland og meðal annarra sjónvarpsþáttaraða eru Spaugstofan, Undir sama þaki, Fastir liðir eins og venjulega, Réttur, Borgarstjórinn, Brot og Jarðarförin mín. Í vetur bætast við Vitjanir og Brúðkaupið mitt.

/

Sýningar

Opnunartími miðasölu

Miðasala Þjóðleikhússins verður opin á nýjan leik eftir sumarleyfi þann 19. ágúst.

Heimilisfang
Hverfisgata 19, 101 reykjavík
Sjá á korti
Sími