Ævintýri á gönguför
Hljóðleikhús Þjóðleikhússins flytur gamanleikinn sívinsæla Ævintýri á gönguför eftir Hostrup á fimmtudaginn 17. desember kl. 20:00 í beinu hljóðstreymi úr Þjóðleikhúsinu. Verkið er jafnframt það síðasta sem Hljóðleikhúsið sendir út í bili. Fjöldi valinkunnra leikara tekur þátt í uppfærslunni og leikstjóri er Guðjón Davíð Karlsson.
Verkið hefur notið gríðarlegra vinsælda á Íslandi í gegnum tíðina eða frá því það var frumflutt árið 1882 og er eitt mest uppsetta verk íslenskrar leiklistarsögu. Lögin eru landsmönnum mörgum að góðu kunn og er lagið Ég vil fá mér kærustu þeirra þekktast. Karl Olgeir Olgeirsson hefur umsjón með tónlistarflutningnum.
Leikarar
Listrænir stjórnendur
Dóttir Faraós
Leikarar
Jón Trausti er best þekktur fyrir skáldsögur sínar, t.d. Heiðarbýlið og Önnu frá Stóruborg, en skrifaði leikritið Dóttur Faraós árið 1914. Verkið hefur aldrei verið sett upp en er um margt forvitnilegt verk. Þar segir blind eldri kona barnabörnum sínum sögu um dóttur faraós sem kemur til Íslands í líki sels, Íslendingur verður ástfanginn af henni, stelur hamnum og kyrrsetur hana hjá sér. Verk um manninn í dýrinu og dýrið í manninum. Anna María Tómasdóttir lærði leikstjórn í New York og leikstýrir hér sínu fyrsta verki í Þjóðleikhúsinu.
Listrænir stjórnendur
Nýársnóttin
Leikarar
Rung læknir
Rung læknir var samið á dönsku árið 1905. Það fjallar um tilraunir Rungs læknis til að finna mótefni gegn berklum og um ástina í lífi hans. Verkið talar sterkt inn í samtímann nú þegar faraldur geisar og vísindamenn eru í óða önn við að þróa bóluefni. Rung læknir hefur aldrei verið sett upp á sviði hér á landi en er af mörgum talið með athyglisverðustu verkum Jóhanns Sigurjónssonar. Vigdís Hrefna Pálsdóttir er nýkomin heim úr meistaranámi í leikstjórn frá Bretlandi og leikstýrir hér sínu fyrsta verki.
Í uppfærslunni er notuð tónlist úr verkinu RHÍZOMA eftir Önnu Þorvaldsdóttur.
Leikarar
Listrænir stjórnendur
Skugga-Sveinn
Skugga-Sveinn eftir þjóðskáldið Matthías Jochumsson var fyrst sett á svið í Reykjavík árið 1862 og varla hefur nokkurt íslenskt leikrit verið leikið oftar hér á landi.
Verkið er alþýðlegur gamanleikur með söngvum og efnið hjátrú, ótti við hið ókunna, ást og hatur. Benedikt Erlingsson gerir hér eigin atlögu að verkinu og Karl Olgeir Olgeirsson sér um tónlistarstjórn. Ólafía Hrönn Jónsdóttir mun leika Skugga Svein og Hilmir Snær mun leika Grasa Guddu.
Þess má geta að í undirbúningi er sviðsuppsetning á verkinu á næsta leikári í uppsetningu Leikfélags Akureyrar í samstarfi við Þjóðleikhúsið, Marta Nordal leikstýrir henni en þar mun Ólafía Hrönn einnig leika Skugga Svein.
Sungin eru sönglög Jóns Ásgeirssonar sem samin voru fyrir sýningu Þjóðleikhússins 1984.
