Ex

14. Jún. 2022 Ex Þjóðleikhúsið heimsfrumsýnir leikritið Ekki málið eftir Marius von Mayenburg á Stóra sviði Þjóðleikhússins laugardaginn 23. september. Í kjölfar frábærs gengis sýninganna Ellen B. og Ex, sem voru sigurvegarar síðustu Grímuverðlaunahátíðar og fengu framúrskarandi viðtökur gagnrýnenda og áhorfenda, er nú komið að þriðja hluta þríleiksins. Verkin þrjú eru sjálfstæð en ákveðin þemu tengja þau. Það er höfundurinn sjálfur, Marius von Mayenburg, sem leikstýrir Ekki málið, en að öðru leyti er það að mestu sama listræna teymið og skapaði fyrri sýningarnar tvær sem á heiðurinn af þessari sýningu. Leikarar eru þau Björn Thors og Ilmur Kristjándóttir. Eitursnjallt og einstaklega áhrifaríkt verk sem kemur sífellt á óvart Simone er rafeindavélfræðingur, nýkomin heim úr viðskiptaferð til Ítalíu með yfirmanni sínum. Hún er með gjöf handa eiginmanni sínum, Erik, sem hefur að vanda sinnt búi og börnum á meðan hún hefur verið í burtu og reynt þess á milli að einbeita sér að þýðingum sínum fyrir bókaforlagið sem hann vinnur hjá. Erik hikar við að opna pakkann. Er kannski eitthvað annað sem fylgir þessari gjöf? En hvað ef það væri Erik sem væri að koma heim úr viðskiptaferð og Simone hefði verið heima að sinna fjölskyldulífinu? Væri þá eitthvað á annan veg? Ekki málið er einstaklega vel skrifað og eldfimt verk þar sem er fjallað af einstöku næmi og húmor um samskipti kynjanna, hina hálu framabraut, barnauppeldi og tærandi afbrýðisemi. Leikritið er heimsfrumsýnt á Íslandi og nú er það hið virta leikskáld sjálft, Marius von Mayenburg, sem leikstýrir. Þrjár sýningar á einum degi eftir sama höfund! Þjóðleikhúsið efnir til Mayenburghátíðar í október og nóvember og sýnir öll verkin. Fyrir þau sem vilja upplifa allar sýningarnar á sama degi er boðið upp á Mayenburgveislu laugardaginn 28. október. Fram að þeim degi verður boðið upp á þétta sýningadagskrá á Ekki málið en í …

14. Jún. 2022 Ex Það var mikið um dýrðir þegar glæsileg uppskeruhátíð sviðslistafólks. Gríman, var haldin í Borgarleikhúsinu þann 14. júní. Alls hlutu sýningar Þjóðleikhússins sjö grímuverðlaun. Ellen B. eftir Marius von Mayenburg var valin sýning ársins og Draumaþjófurinn barnasýning ársins. Nafnarnir Benedict Andrews og Benedikt Erlingsson hlutu grímuverðlaun sem leikstjóri og leikari ársins í aukahlutverki, fyrir Ellen B. Nína Dögg Filipusdóttir hlaut grímuna fyrir leik í aðalhlutverki í Ex. Hallgrímur Ólafsson hlaut einnig grímu fyrir leik í aðallutverki fyrir hlutverk sitt sem Jón Hreggviðsson í Íslandsklukkunni. Unnsteinn Manúel fékk verðlaun fyrir hljóðmynd í Íslandsklukkunni, en sýninguna vann leikhópurinn Elefant í samstarfi við Þjóðleikhúsið. Þess má einnig a geta að Arnar Jónsson var sæmdur heiðursverðlaunum Grímunnar og honum óskum við innilega til hamingju, sem og öllum Grímuverðlaunahöfum kvöldsins. Um leið þökkum við fyrir einstaklega ánægjulegan leikhúsvetur og hökkum til að sjá ykkur næsta haust Nánar um sýninguna Ellen B …

Í dag voru tilnefningar til Grímunnar tilkynntar við hátíðlega athöfn. Sýningar í Þjóðleikhúsinu hlutu fjölda viðurkenninga. Við óskum öllum þeim frábæru listamönnum í Þjóðleikhúsinu og öðrum leikhúsum innilega til hamingju með verðskuldaðar viðurkenningar.  Sýningar í Þjóðleikhúsinu fengu samtals 29 tilnefningar sem er með því mesta sem hefur verið, en þær sýningar sem fengu flestar tilnefningar voru Draumaþjófurinn, Ellen B., Ex og Íslandsklukkan …

14. Jún. 2022 Ex Þjóðleikhúsið frumsýnir Ex, annan hlutann í þríleik eftir Marius von Mayenburg í leikstjórn Benedicts Andrews, laugardaginn 28. janúar á Stóra sviðinu. Skemmst er að minnast heimsfrumsýningar á Ellen B., fyrsta hluta þríleiksins, sem frumsýndur var á annan dag jóla og hefur fengið gríðarlegt lof áhorfenda og gagnrýnenda. Eftirvæntingin er því mikil eftir Ex. Leikarar í sýningunni eru Nína Dögg Filippusdóttir, Kristín Þóra Haraldsdóttir og Gísli Örn Garðarsson. Listræna teymið er hið sama og í Ellen B., Benedict Andrews leikstýrir, Nina Wetzel hannar leikmynd og búninga, Björn Bergsteinn hannar lýsingu og Gísli Galdur er höfundur tónlistar. Í haust mun Mayenburg sjálfur leikstýra þriðja verki þríleiksins, Egal (Alveg sama). Ex er flugbeitt sálfræðidrama og annað verkið í splunkunýjum þríleik Mariusar von Mayenburg sem verðlaunaleikstjórinn Benedict Andrews leikstýrir. Á fallegu heimili fyrirmyndarhjóna, arkítekts og læknis með tvö ung börn er bankað upp á um miðja nótt. Fyrir utan stendur fyrrverandi kærasta eiginmannsins og bráðvantar samastað eftir að hafa flutt út frá sambýlismanni sínum í miklum flýti. Fljótlega breytist heimilið í vígvöll þar sem ásakanir og uppljóstranir þjóta á milli eins og byssukúlur. Hvað dró þetta fólk hvert að öðru í upphafi? Kaupa miða Hvort skiptir meira máli í hjónabandi til lengdar, ástríðan eða sameiginleg markmið, lífssýn og samfélagsstaða? Af vægðarleysi og sótsvörtum húmor er tekist á við ágengar spurningar um hjónabandið, ástina og tærandi afbrýðisemi, lífsorkuna og lífsleiðann, fjölskylduna, kynlífið og ofbeldið í samböndum fólks …

14. Jún. 2022 Ex Þjóðleikhúsið stendur fyrir stórviðburði í íslensku leikhúslífi á Stóra sviðinu – heimsfrumsýningu á glænýjum þríleik eftir Marius von Mayenburg, sem talinn er eitt merkasta núlifandi leikskáld Evrópu. Hinn heimsþekkti leikstjóri Benedict Andrews leikstýrir tveimur verkanna, Ellen B. og Ex, á leikárinu 2022-23 og Marius von Mayenburg mun sjálfur leikstýra því þriðja, Alveg sama, haustið 2023. Það er mikill fengur fyrir íslenska leikhúsgesti og listafólk að fá þessa virtu leikhúsmenn til samstarfs. Leikritin eru framúrskarandi vel skrifuð og fjalla um ástina og valdið í samtímanum, nútímafólk og nándina, af nístandi hreinskilni og kolsvörtum húmor. Bitastæð hlutverkin eru öll í höndum stórleikara. Benedict, leiðir ykkar Mariusar hafa legið saman í leikhúsinu í tvo áratugi, og þú hefur áður leikstýrt fimm verkum eftir hann í leikhúsum í Ástralíu og í Schaubühne-leikhúsinu í Berlín. Hvað er að þínu mati áhugaverðast við leikritin hans? Ég hitti Marius fyrst þegar ég setti upp leikrit hans Eldfés (Feuergesicht) hjá Sydney Theatre Company árið 2001. Ég var ungur leikstjóri og þráði breytingar í leikhúsinu, vildi finna ný form, prófa nýjar aðferðir. Eldfés var verkið sem kynnti Marius til leiks sem eitt hinna svokölluðu „in-yer-face” leikskálda, sem einnig voru nefnd „blood and sperm” kynslóðin. Þar fór hann fremstur í flokki ásamt Söruh Kane og Mark Ravenhill. Eldfés hafði mikil áhrif á mig, það talaði svo beint til manns, fagurfræðin var beinskeytt með stuttum, hárbeittum senum og höfundurinn kafar djúpt í sálarlíf persónanna. Verkið sameinar frumstæða og goðsagnakennda arfleifð grísku harmleikjanna og hraðann sem einkennir kvikmyndir Tarantinos. Það er fyndið og skrítið, villimannslegt og áræðið, alveg einstakt. Það fannst á hverju orði í leikritinu að þarna fór rithöfundur sem vildi kraftmikið og ágengt leikhús, líkt og ég sjálfur. Við hittumst fyrst í Sydney í tengslum við uppsetninguna og náðum strax vel saman, þar hófst samvinna okkar …

14. Jún. 2022 Ex Magnús Geir þjóðleikhússtjóri, Marius von Mayenburg leikskáld, Nina Witzel leikmyndahöfundur og Benedict Andrews leikstjóri Þjóðleikhúsið stendur fyrir stórviðburði í íslensku leikhúslífi á Stóra sviðinu – heimsfrumsýningu á glænýjum þríleik eftir Marius von Mayenburg, sem talinn er eitt merkasta núlifandi leikskáld Evrópu. Hinn heimsþekkti leikstjóri Benedict Andrews leikstýrir tveimur verkanna, Ellen B. og Ex, á leikárinu 2022-23 og Marius von Mayenburg mun sjálfur leikstýra því þriðja, Alveg sama, haustið 2023. Hönnuður leikmyndar og búninga er Nina Wetzel en hún starfar við mörg fremstu leikhús Evrópu og er m.a. einn nánasti samstarfsmaður leikstjórans Ostermeier. Það er mikill fengur fyrir íslenska leikhúsgesti og listafólk að fá þetta virta leikhúslistafólk hingað til starfa.   Leikritin eru afburðavel skrifuð og fjalla um ástina og valdið í samtímanum, nútímafólk og nándina, af nístandi hreinskilni og kolsvörtum húmor. Ellen B.  verður frumsýnt 26. desember en Ex þann 28. janúar. Þriðja verkið, Alveg sama, verður frumsýnt snemma á leikárinu 2023-2024.   Þungavigtaleikarar leika í verkunum, en Unnur Ösp Stefánsdóttir, Benedikt Erlingsson og Ebba Katrín Finnsdóttir leika í Ellen B. Leikarar í Ex eru Nína Dögg Filippusdóttir, Gísli Örn Garðarsson og Kristín Þóra Haraldsdóttir.   Leikár Þjóðleikhúsið er kynnt þessa dagana og á næstu dögum verður leikárið opinberað í heild sinni í kynningarriti leikhússins – en því verður nú dreift í takmörkuðu upplagi í prentaðri útgáfu heim til þeirra sem skrá sig fyrir blaðinu í stað þess að fjöldadreifa blaðinu inn á öll heimili. Þessi ráðstöfun er hluti af nýrri grænni stefnu Þjóðleikhússins og stuðar að umhverfisvænni nálgun í starfseminni. Einnig verður hægt að panta blaðið í pósti eða á rafrænu form …