Siobhán Antoinette Henry lauk BA-prófi í leiklist í Bandaríkjunum og lék í ýmsum sýningum í Connecticut og New York. Hún flutti til Íslands árið 2014 og vann ýmis störf við kvikmyndagerð og uppfærslur leiksýninga þar til hún hóf störf sem sviðsmaður í Þjóðleikhúsinu árið 2017. Í tengslum við störf sín sem sviðsmaður hefur hún komið fram í nokkrum sýningum í Þjóðleikhúsinu, meðal annars Nashyrningunum, Samþykki, Loddaranum og Einræðisherranum.