Taktu lagið Lóa
Margverðlaunað leikrit sem hefur heillað áhorfendur víða um heim, með hrífandi tónlist úr ýmsum áttum.
Lóa er hlédræg ung stúlka sem elst upp við óreglu á heimili drykkfelldrar og kjaftforar móður sinnar, Möllu. Lóa reynir að láta lítið fyrir sér fara og leitar skjóls í herberginu sínu til að hlusta á gömlu plöturnar sem látinn faðir hennar átti og voru líf hans og yndi. Þar getur hún verið í friði, horfið inn í heim tónlistarinnar og sungið eins og söngstjörnur fortíðarinnar. Þegar nýr kærasti móður hennar kemst fyrir tilviljun að því að Lóa býr yfir ótrúlegum sönghæfileikum er hann ekki lengi að koma auga á gróðamöguleikana. En hvað verður um sanna tónlistarást saklausrar stúlku í hörðum heimi?
Röddin hennar hrífandi saga um hið brothætta andspænis hinu harða, um varnarleysi æskunnar, stormasamt samband móður og dóttur, óvænta vináttu og töframátt tónlistarinnar.
Umræður og textun á sýningum Þjóðleikhússins
Í kjölfar 6. sýningu verka á Stóra sviðinu verður áfram boðið upp á viðræður með leikurum og listrænum stjórnendum þar sem áhorfendum gefst færi á að fræðast og kafa dýpra.
Þriðja leikárið í röð verður boðið upp á textun á ensku og íslensku á 7. sýningu valinna verka. Þjóðleikhúsið leggur aukna áherslu á að mæta ólíkum þörfum leikhúsgesta. Textar birtast á skjám sem komið er fyrir til hliðar við sviðið eða fyrir ofan það, eftir því sem við á hverju sinni. Miðasala veitir upplýsingar um hentugustu sætin hverju sinni fyrir þá sem vilja nýta sér textun.
Nánar um textun
