Leikari

Björn Thors útskrifaðist úr leiklistardeild LHÍ 2003. Hann hefur m.a. leikið í Þjóðleikhúsinu, Borgarleikhúsinu, hjá Vesturporti, Frú Emilíu, Volksbühne, Burgtheater, Lyric Hammersmith og The Royal Alexandra. Fyrri leikstjórnarverkefni hans í Þjóðleikhúsinu eru Saknaðarilmur og Salka-Ástin og dauðinn, í samstarfi við Landnámssetrið. Í vetur leikstýrir Björn Nýju eldhúsi eftir máli og leikur í Taktu lagið, Lóa í Þjóðleikhúsinu. Hann hefur leikið hér meðal annars í Íbúð 10B, Yermu, Ekki málið, Vertu úlfur, Nokkur augnablik um nótt, Atómstöðinni, Íslandsklukkunni, Afmælisveislunni og Græna landinu. Meðal verkefna hans sem höfundur eru Kenneth Máni og heimildaverkið Flóð. Björn hefur leikið í ýmsum kvikmyndum og sjónvarpsþáttum, m.a. í Dönsku konunni, Kötlu, Brotum, Svari við bréfi Helgu, París norðursins, Djúpinu og Frosti. Björn hefur hlotið fjölda tilnefninga til Grímunnar og hlaut verðlaunin fyrir Vertu úlfur, Græna landið, Vestrið eina, Íslandsklukkuna og Afmælisveisluna. Hann hefur hlotið Stefaníustjakann og fékk Edduverðlaunin fyrir Svar við bréfi Helgu og Fangavaktina, og hefur hlotið þrjár tilnefningar til verðlaunanna að auki.