Ímyndunarveikin – leiklestur
Molière í 400 ár
400 ára afmælis hins mikla franska meistara gamanleikjanna Molières (1622-1673) er minnst víða, og Þjóðleikhúsið mun standa að tveimur viðburðum í tilefni af afmælinu í haust, í samvinnu við Stofnun Vigdísar Finnbogadóttur í erlendum tungumálum við HÍ og Sendiráð Frakklands á Íslandi, annars vegar málþingi og hins vegar leiklestri á Ímyndunarveikinni.
Ljósmynd: Ímyndunarveikin í Þjóðleikhúsinu 1976, leikstjórn: Sveinn Einarsson. Baldvin Halldórsson (Hr. Diafoirus), Herdís Þorvaldsdóttir (Toinette), Bessi Bjarnason (Argan).
Leiklestur á Ímyndunarveikinni
Leiklestur á Ímyndunarveikinni í þýðingu Sveins Einarssonar og leikstjórn Vigdísar Hrefnu Pálsdóttur, í Kassanum miðvikudaginn 26. október kl. 17, með Sigurði Sigurjónssyni í aðalhlutverki.
Listrænir stjórnendur
Fluttur er dúett sem saminn var fyrir sýningu Þjóðleikhússins á Ímyndunarveikinni árið 1976. Lag: Jón Þórarinsson. Texti: Tómas Guðmundsson. Píanóleikari: Karl Olgeir Olgeirsson.
Leikarar – Ímyndunarveikin
Málþing um Molière
Málþing um Molière og leiklestur á brotum úr þýðingum Sveins Einarssonar, Karls Guðmundssonar og Hallgríms Helgasonar á leikritum eftir Molière, í Veröld, HÍ, 12. október kl. 17.
Melkorka Tekla Ólafsdóttir, leiklistarráðunautur Þjóðleikhússins, opnar málþingið og stýrir umræðum, og fjórir leikarar úr Þjóðleikhúsinu leiklesa brot úr nokkrum verkum Molières, þau Sigurður Sigurjónsson, Pálmi Gestsson, Ragnheiður Steindórsdóttir og Kjartan Darri Kristjánsson. Fræðimenn úr ýmsum áttum fjalla um Molière og verk hans.
