Prinsinn

Prinsinn

„Ég er ólétt – þú ert að verða pabbi“
Lengd
1.20 ekkert hlé
Leikstjórn
María Reyndal

Er maður áreiðanlegt vitni í sinni eigin sögu? Er hægt að muna hlutina rétt?

Prinsinn er alveg örugglega langbesta sjoppan undir Jökli, og það er þar sem hlutirnir gerast, að nóttu sem degi – sérstaklega ef maður vinnur í sjoppunni og er með lyklana!

Leiksýningin Prinsinn er frumsýnd í Frystiklefanum á Rifi í apríl og heldur síðan í leikferð um landið, en verður sýnd á Litla sviði Þjóðleikhússins í haust.

Í verkinu kynnumst við manni á fertugsaldri sem bíður í ofvæni eftir því að barn hans komi í heiminn. Eftirvænting og kvíði takast á í huga hans, og atburðir sem áttu sér stað tveimur áratugum fyrr fara að sækja á hann:

17 ára menntaskólastrákur er staddur á Laugaveginum ásamt vini sínum þegar síminn hringir. Sæta stelpan sem vinnur á Prinsinum er í símanum. „Ég er ólétt. Þú ert að verða pabbi.“ Hvernig getur maður orðið pabbi sautján ára, og mamman bara sextán? Er framtíðin í rúst?

Hjartnæmt og fyndið nýtt íslenskt leikrit, byggt á sönnum atburðum, sem talar beint til okkar.

Leikarar

Listrænir stjórnendur

Þjóðleikhúsið sýnir í samstarfi við Frystiklefann á Rifi.

Verkefnið er styrkt af Mennta- og menningarmálaráðuneytinu – Leiklistarráði og Sóknaráætlun Vesturlands.

Tónlist í sýningunni er eftir Úlf Eldjárn, en einnig eru flutt brot úr lögum eftir aðra: Sumarsykur (Igore), Hjá þér (Sálin hans Jóns míns), Spenntur (Á móti sól), Ég er frjáls (Facon), Fingur (Írafár), Hef ekki augun af þér (Sóldögg), Skjóttu mig (Skítamórall).

Titillag sýningarinnar, Prinsinn, er eftir Úlf Eldjárn, Vigdís Hafliðadóttir syngur og er jafnframt höfundur texta.

Aðrir aðstandendur sýningar

Opnunartími miðasölu

Miðasala Þjóðleikhússins verður opin á nýjan leik eftir sumarleyfi þann 19. ágúst.

Heimilisfang
Hverfisgata 19, 101 reykjavík
Sjá á korti
Sími