/
Starfsfólk Þjóðleikhússins

Birna Pétursdóttir

/

Birna Pétursdóttir lauk BA námi í leiklist frá Rose Bruford College í London 2012.

Undanfarin ár hefur hún starfað hjá Leikfélagi Akureyrar og leikið þar í mörgum uppfærslum.

Hún leikur í Prinsinum í Þjóðleikhúsinu í vetur.

Birna hlaut Grímuna sem leikkona ársins í aukahlutverki inn árið 2021 fyrir leik sinn í söngleiknum Benedikt Búálfur í uppsetningu Leikfélags Akureyrar.

Árið 2018 hlaut leikhópur hennar, Umskiptingar, tilnefningu sem Sproti Ársins eftir að fyrsta frumsamda verk þeirra, Framhjá rauða húsinu og niður stigann, fór á svið. Þá hlutu Umskiptingar aftur tilnefningu til Grímunnar ári síðar í flokki Barnasýninga ársins fyrir Galdragáttina, sem Birna skrifaði ásamt hinum Umskiptingunum.

Þá skrifaði Birna, ásamt Árna Beinteini og Vilhjálmi Bragasyni, gamanverkið Fullorðin sem verður sýnt í Þjóðleikhúskjallaranum haustið 2022.

Samhliða leiklist og leikritun hefur Birna unnið mikið í dagskrárgerð fyrir sjónvarp. Hún var meðal annars einn umsjónarmanna Landans á RÚV 2017-2018 og leikstýrði heimildaþáttaröðinni Í góðri trú sem sýnd var á RÚV 2020. Auk þess er Birna í meistaranámi í Þjóðfræði við Háskóla Íslands.

/

Sýningar

Opnunartími miðasölu

Miðasala Þjóðleikhússins verður opin á nýjan leik eftir sumarleyfi þann 19. ágúst.

Heimilisfang
Hverfisgata 19, 101 reykjavík
Sjá á korti
Sími