Orð gegn orði (Prima Facie)

25. Sep. 2024 Textaðar og táknmálstúlkaðar sýningar framundan í Þjóðleikhúsinu Þjóðleikhúsið leggur nú aukna áherslu á að mæta ólíkum þörfum leikhúsgesta. Á þessu leikári hefur verið bryddað upp á þeirri nýjung að texta 7. sýningu  allra verka á Stóra sviðinu, bæði á íslensku og ensku  Auk þess hafa vinsælar barnasýningar verið táknmálstúlkaðar og nú á laugardag, 28. september er komið að stórsöngleiknum Frosti. Það er túlkaþjónustan Hraðar hendur sem mun sjá um túlkunina líkt og áður. Ástbjörg Rut Jónsdóttir, táknmálstúlkur og sviðslistakona hefur um árabil starfað við að táknmálstúlka leiksýningar og tónlistarviðburði. Miðvikudaginn 9. október verður ein vinsælasta og áhrifamesta sýning síðari ára, Orð gegn orði, sýnd með íslenskum og enskum texta þann á Stóra sviðinu. Hér býðst einstakt tækifæri til að njóta þessarar mikilvægu og mögnuðu leiksýningar m.a. fyrir fólk sem ekki talar íslensku eða er að læra hana, eða fólk sem býr við heyrnarskerðingu. Aðeins verður um þessa einu sýningu að ræða. Nánar um Frost Nánar um Orð gegn orði FYRRI ALLAR Fréttir Næsta Mest lesið í Sep. 04. Sep. 2024 Leikhússkóli Þjóðleikhússins kominn á fullt skrið 17. Sep. 2024 Grínkjallarinn hefur göngu sína …

08. Maí. 2024 50. sýningin á Orð gegn orði Það hefur ekkert lát verið á vinsældum einleiksins Orð gegn orði, þar sem Ebba Katrín Finnsdóttir þykir fara á kostum í hlutverki lögfræðingsins Tessu. Miðvikudaginn 8. maí er komið að 50. sýningunni en alls hafa um tíu þúsund leikhúsgestir upplifað þessa mögnuðu sýningu. Nú er nánast orðið uppselt fram á vorið og hver að verða síðastur að tryggja sér miða. Í ljósi mikillar eftirspurnar var Orð gegn orði færð á Stóra sviðið fyrr í vetur og fullt hefur verið á allar sýningar. Bæði Þóra Karítas Árnadóttir leikstjóri og Ebbu Katrín Finnsdóttur hafa fengið mikið lof fyrir sína vinnu, sem og allir listrænir stjórnendur sýningarinnar. Orð gegn orði hefur vakið sterk viðbrögð áhorfenda sem hafa ekki sparað stóru orðin. KAUPA MIÐA Eitthvað verður að breytast Í verkinu segir frá Tessu, ungum og metnaðarfullum lögmanni, sem hefur tekist að klífa hratt upp metorðastigann. Hún vinnur hvert málið á fætur öðru, með framúrskarandi þekkingu sinni á lagabókstafnum, ver sakborninga af fimi og prófar vitni með úthugsuðum spurningum. Skyndilega verður ófyrirsjáanlegur atburður í einkalífi hennar til þess að allt sem virtist svo borðleggjandi sýnist ekki eins einfalt og skýrt og áður, og hún neyðist til að taka hugmyndir sínar og viðhorf til gagngerrar endurskoðunar. Í verkinu er tekist á við ágengar spurningar um feðraveldið, réttarkerfið, kynferðisbrotamál, siðgæði, sekt og sönnunarbyrði. Hvaða vægi hafa tilfinningar og réttlætiskennd í flóknum málum, og hvenær er sekt nægilega sönnuð? Ebba Katrín Finnsdóttir leikur þennan magnaða verðlaunaeinleik. Suzie Miller hlaut Olivier-verðlaunin fyrir leikritið árið 2023 Orð gegn orði (Prima Facie) er margverðlaunað, nýtt verk sem sló í gegn á West End og Broadway, eftir að hafa unnið til leikritunarverðlauna ástralska rithöfundasambandsins. Verkið hlaut Olivier-verðlaunin árið 2023, auk þess sem sýningin hlaut fjölda tilnefninga til Olivier-verðlaunanna og Tony-verðlaunanna. Höfundur Suzie Miller …

Þjóðleikhúsið frumsýnir verðlaunaverkið Orð gegn orði (Prima Facie) í Kassanum þann 17. nóvember næstkomandi. Verkið er einleikur, skrifað af leikskáldinu Suzie Miller, fyrrum lögmanni, sem einsetti sér að nýta sína eigin reynslu til þess að rannsaka veikleika réttarkerfisins í kynferðisbrotamálum …

Þjóðleikhúsið mun frumsýna leikritið Orð gegn orði (Prima Facie) eftir Suzie Miller í nóvember í Kassanum. Ebba Katrín Finnsdóttir fer með hlutverk lögmanns sem hefur klifið hratt upp metorðastigann með framúrskarandi þekkingu á lagabókstafnum. Óyrirsjáanlegur atburður í einkalífi hennar verður þess að hún neyðist til að taka hugmyndir sínar og viðhorf til gagngerrar endurskoðunar.  Þóra Karítas Árnadóttir leikstýrir sýningunni. Uppsetning með bresku leikkonunni Jodie Comer hefur slegið í gegn beggja vegna Atlantsála og sópað að sér verðlaunum. Verkið er sýnt á West End og Broadway og framundan eru sýningar í mörgum fremstu leikhúsum heims, svo sem ITA leikhúsinu í Amsterdam …