Orri óstöðvandi

24. Mar. 2025 Tónlistin úr Orra óstöðvandi eftir JóaPé og Króla komin út Reglulega býður Þjóðleikhúsið börnum á miðstigi barnaskóla í leikhús. Að þessu sinni er boðið upp á glænýja sýningu af Orra óstöðvandi, en hún byggir á geysivinsælum bókum Bjarna Fritzsonar um Orra og vinkonu hans Möggu Messi. Tónlistin í sýningunni er eftir þá félaga Jóhannes Damian R. Patreksson (JóPé) og Kristinn Óla S. Haraldsson (Króla). Fjögur lög hafa nú verið gefin út og eru þau aðgengileg á Spotify og öðrum tónlistarveitum. Hlusta á Spotify   Í þessum nýju lögum syngja og rappa leikarar sýningarinnar þau Almar Blær Sigurjónsson og Selma Rán Lima. Búist er við því að nokkur þúsund börn heimsæki Þjóðleikhúsið á næstu vikum en í kjölfar þess verður farið með sýninguna víða um land. Leikstjóri og höfundur leikgerðar er Vala Fannell. Aðrið listrænir stjórnendur auk Völu og tónlistarmannanna tveggja, eru Hildur Evlalía Unnarsdóttir sem hannar leikmynd, Ásdís Guðný Guðmundsdóttir hannar búninga. Um lýsingu sér Ýmir Ólafsson og hljóðhönnun var í höndum Brett Smith og Jóhannesar. Félagarnir Kristinn Óli og Jóhannes hafa skapað sér gott orð sem tónlistarmenn á umliðnum árum. Kristinn Óli hefur komið víða við í list sinni. Hann tók þátt í uppsetningu Þjóðleikhússins á sýningunum Óvitar og Fjalla Eyvindur og Halla, í söngleiknum We Will Rock You í Háskólabíó og Benedikt Búálfi og Litlu hryllingsbúðinni í Leikhúsinu á Akureyri. Hann hefur leikið í kvikmyndum á borð Agnes Joy og Bjarnfreðarson. Hann útskrifast af leikarabraut Listaháskóla Íslands vorið 2025 Kristinn er einn þriggja stofnenda Afturámóti. Jóhannes Damian, betur þekktur sem JóiPé er ásamt Króla tónhöfundur sýningarinnar. Síðastliðið ár hefur Jóhannes stimplað sig inn sem leikhús tónskáld og er Ævintýri Orra óstöðvandi og Möggu Messi önnur leiksýningin sem hann semur tónlist fyrir, en sú fyrri er sýningin Jóla-Lóla sem sýnd var í leikhúsi Akureyrar seinustu jól. …

18. Mar. 2025 Þjóðleikhúsið býður skólabörnum á Orra óstöðvandi Næstu vikurnar munu þúsundir skólabarna á miðstigi heimsækja Þjóðleikhúsið og sjá glænýja leiksýningu um Orra óstöðvandi og bestu vinkonu hans, Möggu Messi. Þjóðleikhúsið hefur um árabil boðið börnum á flestum skólastigum að upplifa töfra leikhússins, en í kjölfar sýninganna í Þjóðleikhúsinu, halda Orri og Magga í leikferð um landið og sýna víða um land. Fyrstu gestirnir mættu í dag og það er óhætt að segja að það hafi verið alveg dúndurstemming. Sýningin er byggð geysivinsælum bókum eftir Bjarna Fritzson. Orri er ungur drengur sem breytir sér í ofurhetjuútgáfuna af sjálfum sér, Orra óstöðvandi, þegar hann þarf á hugrekki og sjálfstrausti að halda. Orri og Magga lenda í alls konar ævintýrum, hversdagslegum jafnt sem ótrúlegum, og eru uppátækjum þeirra engin takmörk sett. Tónlist við sýninguna er komin út Jói P. og Króli hafa samið tónlistina við Orra óstöðvandi og nú eru fjögur lög úr sýningunni orðin aðgengileg á Spotify! Hlusta hér Höfundur bókar Bjarni Fritzson Leikstjórn og leikgerð Vala Fannell Tónlist JóiPé (Jóhannes Damian R. Patreksson), Króli (Kristinn Óli S. Haraldsson) Tónlistarstjórn JóiPé (Jóhannes Damian R. Patreksson) Leikmynd Hildur Evlalía Unnarsdóttir Búningar Ásdís Guðný Guðmundsdóttir Lýsing Ýmir Ólafsson Hljóðhönnun Brett Smith   FYRRI ALLAR Fréttir Næsta Mest lesið í Mar. 05. Mar. 2025 Stormur – nýr söngleikur eftir Unni Ösp og Unu Torfadóttur frumsýndur á Stóra sviðinu 12. Mar. 2025 Blómin á þakinu frumsýnt á Litla sviðinu 20. Mar. 2025 Prufur fyrir menntaða leikara 2025 …