Blómin á þakinu
50 uppseldar sýningar á síðasta leikári
Blómin á þakinu heillaði leikhúsgesti á öllum aldri á síðasta leikári og hlaut Grímuverðlaunin sem barnasýning ársins. Börnin í sýningunni voru valin leikarar ársins á Sögum-verðlaunahátíð barnanna. Leiknar voru 50 troðfullar sýningar á þessu yndislega verki og nú heldur ævintýrið áfram.
Undurfalleg og heillandi leiksýning fyrir yngstu börnin, byggð á bók sem hefur notið mikilla vinsælda allt frá því að hún kom fyrst út árið 1985 og hefur unnið sér sess sem sígild perla innan íslenskra barnabókmennta.
Dásamleg verðlaunasýning um lífið í sveit og borg.
Þegar Gunnjóna þarf á gamals aldri að flytja úr sveitinni sinni í borg stendur hún frammi fyrir ýmsum áskorunum sem fylgja því að aðlagast nýjum heimkynnum. Í fjölbýlishúsinu sem hún flytur í býr forvitið barn sem fylgist með óvenjulegum aðferðum gömlu konunnar við að búa sér nýtt heimili, enda er engu líkara en Gunnjóna ætli að flytja sveitina með sér til borgarinnar.
Aldursviðmið: 2ja-8 ára.
Skynvænt sýningarhald
Sunnudaginn 12. október kl. 15:00 verður skynvæn sýning á Blómunum á þakinu.
Til frekari upplýsinga:
Skynvænt sýningarhald Sjónrænn söguþráður
Blómin á þakinu á ýmsum tungumálum
Við vekjum athygli á því að bókin hefur komið út á ýmsum tungumálum, og er m.a. til á ensku, þýsku og frönsku hjá Forlaginu, sjá hér.
Leikarar
Listrænir stjórnendur
Aðrir aðstandendur
Sérstakar þakkir: Oddur, Fróði, Brynhildur Sigurrós og Þröstur Máni.
