Þröstur Leó Gunnarsson lauk námi frá Leiklistarskóla Íslands árið 1985 og hefur leikið fjölda hlutverka á sviði og í kvikmyndum. Hann leikur í Íbúð 10B, Ormstungu og Eltum veðrið í Þjóðleikhúsinu í vetur. Hér hefur hann m.a. leikið í Jólaboðinu, Eddu, Ást Fedru, Draumaþjófnum, Framúrskarandi vinkonu, Kafbáti, Hafinu, Föðurnum, Þetta er allt að koma, Koddamanninum, Viktoríu og Georg og Dýrunum í Hálsaskógi. Hjá Leikfélagi Reykjavíkur lék hann m.a. í Degi vonar, Platonov, Tartuffe og Hamlet. Hann lék m.a. í sjónvarpsþáttaröðinni Reykjavík Fusion og kvikmyndunum Á ferð með mömmu, Tár úr steini, Nóa albínóa og Eins og skepnan deyr. Hann hefur verið tilnefndur til fjölda Grímuverðlauna og hlaut þau fyrir Ást Fedru, Killer Joe, Ökutíma og Koddamanninn. Hann fékk Edduverðlaunin fyrir Á ferð með mömmu, Nóa albínóa og Brúðgumann.

Meira um feril:

LR
Lék einnig m.a. hjá LR í Kjöti, Þrúgum reiðinnar, Dökku fiðrildunum, Íslensku mafíunni, Hinu ljósa mani Svari við bréfi Helgu, Góa og baunagrasinu, Eldfærunum, Fanný og Alexander, Vestrinu eina, Heima er best, Fólkinu í kjallaranum, Nei ráðherra, Kirsuberjagarðinum, Fló á skinni og Ofviðrinu.

Þjóðleikhúsið
Lék einnig m.a. í Þjóðleikhúsinu í Ívanov, Ástin er diskó, Bakkynjum, Edith Piaf, Í hvítu myrkri, Kennarar óskast, Fiðlaranum á þakinu, Grandavegi 7, Solveigu, Brúðuheimilinu, Önnu Kareninu, Allir á svið, Hleyptu þeim rétta inn, ≈ [um það bil], Fjarskalandi, Einræðisherranum, Shakespeare verður ástfanginn, Meistaranum og Margarítu, Útsendingu og Kafbáti.

Önnur leikhús
Þröstur lék einnig m.a. einleikinn Bless, fress í Loftkastalanum, í Ökutímum hjá Leikfélagi Akureyrar og í Killer Joe á vegum Skámána.

Kvikmyndir
Lék einnig m.a. í Kaldri slóð, Brúðgumanum, Sveitabrúðkaupi, Reykjavík-Rotterdam, 101 Reykjavík, Hafinu, Djúpinu og Harry og Heimi.

Leikstjórn
Þröstur Leó leikstýrði Við borgum ekki, við borgum ekki, sem sýnt var í Borgarleikhúsinu og Gísla á Uppsölum hjá Kómedíuleikhúsinu.

Verðlaun
Hann hlaut Stefaníustjakann fyrir störf sín að leiklist árið 2009.