Signý Rós Ólafsdóttir útskrifaðist úr handrita- og leikstjórnardeild Kvikmyndaskóla Íslands vorið 2019. Hún sér um myndbandshönnun í Sjö ævintýrum um skömm í Þjóðleikhúsinu í vetur. Hún hannaði myndband í Þjóðleikhúsinu í Rómeó og Júlíu og Láru og Ljónsa, og var aðstoðarmaður leikstjóra í Vertu úlfur. Hún hefur meðal annars unnið fyrir KrakkaRúv, sem tökumaður, klippari og handritshöfundur. Hún hefur skrifað, framleitt og leikstýrt fjölda stuttmynda sem hafa verið sýndar í sjónvarpi og á hátíðum víða um heim og unnið til verðlauna. Einnig hefur hún fengist við framleiðslu, skrif og leikstjórn tónlistarmyndbanda, heimildarmynda og kynningarmyndbanda, til dæmis fyrir Blátt áfram, ADHD samtökin og Geðhjálp.
![/](https://leikhusid.is/wp-content/uploads/2020/08/hero-small-about-us.png)
Starfsfólk Þjóðleikhússins