Falstaff

10. Sep. 2026 Þýða óperu Verdis á íslensku fyrir fyrstu stóru uppsetningu nýstofnaðrar Óperu Sólveig Sigurðardóttir og Þórhallur Auður Helgason hafa nú skilað af sér frumdrögum þýðingar á Falstaff eftir Verdi sem verður frumsýnd í Eldborg 6. mars.   Gamanópera Verdis, Falstaff, verður flutt á vegum nýstofnaðrar Óperu í Eldborg í mars næstkomandi. Þetta er gríðarlega metnaðarfull uppsetning og ásamt Ólafi Kjartani Sigurðarsyni verður hópur nýráðinna söngvara Óperunnar áberandi. Þessi fyrsta uppfærsla Óperunnar verður flutt á íslensku í nýrri þýðingu Sólveigar Sigurðardóttur og Þórhalls Auðs Helgasonar en þau eiga að baki langa reynslu af óperuþýðingum. Bæði eru þau meðlimir Óðs og hafa þýtt allar 5 uppfærslur hópsins, auk þess að vera meðal flytjenda. Nánar um Falstaff Í Þjóðleikhúskjallaranum setti Óður upp Ástardrykkinn og Don Pasquale eftir Donizetti, auk Póst-Jóns eftir Adam, þá Rakarann í Sevilla eftir Rossini í Sjálfstæðissalnum og núna síðast La bohème eftir Puccini í Borgarleikhúsinu. Að sögn Sólveigar og Þórhalls hefur það verið krefjandi og spennandi verkefni að þýða Falstaff. Óperan byggir á gamanleik Shakespeares, Vindsór-konunum kátu, en inn í handritið laumast einnig línur úr Hinriki IV, þar sem persóna Falstaffs birtist fyrst. Upprunalegt handrit óperunnar var unnið af Arrigo Boito undir lok 19. aldar en bæði hann og Verdi voru forfallnir aðdáendur Shakespeares.  Ólafur Kjartan Sigurðarson fer með hlutverk Falstaff   Sólveig og Þórhallur segja með ólíkindum hversu fimlega Boito takist að þræða rím gegnum nær hverja einustu línu handritsins, oft á hátt sem er einkar viðeigandi fyrir þema sögunnar og persónur. Þá sé ítalska oft knappara tungumál en íslenska, sér í lagi í söng þar sem sérhljóðar renna svo auðveldlega saman milli orða og deila þannig gjarnan sömu nótu. Því hafi þýðingin krafist mikillar nákvæmnisvinnu. Brynhildur Guðjónsdóttir mun leikstýra Fallstaf Þau segjast reyna eftir fremsta megni að leggja íslenskar bragfræðikröfur á texta sinn, svo sem …

01. Apr. 2026 Óperan hefur ráðið Richard Schwennicke í stöðu tónlistarstjóra Óperunni hefur nú bæst mikilvægur liðsauki en búið er að ráða Richard Schwennick í stöðu tónlistarstjóra.  Schwennicke er hljómsveitarstjóri og píanóleikari með víðtæka reynslu frá leiðandi óperuhúsum í Evrópu. Undanfarin ár hefur hann starfað sem repetitör, söngþjálfari og hljómsveitarstjóri við Vínaróperuna, eitt virtasta óperuhús heims. Hann lauk einleikaraprófi í píanóleik og síðar B.A.-prófi í hljómsveitastjórn með áherslu á óperu frá Hochschule für Musik, Theater und Medien Hannover. Hann starfaði sem aðstoðarkórstjóri og hljómsveitarstjóri í Kassel og Hannover, auk þess að gegna stöðu yfirmanns tónlistardeildar við Staatstheater Darmstadt, þar sem hann bar ábyrgð á skipulagi tónlistardeildar og undirbúningi söngvara. Richard hefur sinnt fjölbreyttum verkefnum sem stjórnandi og hefur meðal annars stjórnað Sinfóníuhljómsveit Íslands. Hann talar fjölda tungumála, þar á meðal íslensku, og hefur jafnframt aflað sér mikillar þekkingar í samstarfi við fremstu stjórnendur Evrópu á sviði óperu. „Það er mikill fengur fyrir Óperuna að fá Richard Schwennicke til liðs við sig. Hann mun eiga virkan þátt í uppbyggingu starfseminnar og þar mun reynslan sem hann kemur með frá Wiener Staatsoper og víðar nýtast vel. Ég hlakka til samstarfsins,“ segir Finnur Bjarnason, óperustjóri. FYRRI ALLAR Fréttir Næsta …

11. Feb. 2026 Falstaff verður fyrsta stóra uppsetning nýstofnaðrar óperu Ólafur Kjartan Sigurðarson syngur titilhutverkið Undirbúningur er hafinn fyrir fyrstu stóru uppfærslu hinnar nýstofnuðu Óperu sem er nú orðin hluti af Þjóðleikhúsinu. Opnunarsýningin verður gamanópera Verdis, Falstaff, sem var frumsýnd í La Scala árið 1893 og er síðasta ópera tónskáldsins. Verkið er byggt á gamanleik Shakespeares Vindsórkonurnar kátu og segir frá hinum lífsglaða en fjárvana Falstaff sem hyggst vinna ástir tveggja giftra kvenna í Windsor til að komast yfir auðæfi þeirra. Í glettinni fléttu verksins mætast misskilningur, dulargervi og ung ást – og að lokum hlær sá best sem síðast hlær. Verkið verður flutt á íslensku. Brynhildur Guðjónsdóttir mun leikstýra Falstaff Brynhildur Guðjónsdóttir gengur til liðs við Óperuna og mun leikstýra opnunarsýningunni. Meðal nýlegra verkefna hennar eru Mannsröddin hjá Íslensku óperunni (2017), Ríkharður III í Borgarleikhúsinu (2018), sem hlaut sex Grímuverðlaun þar á meðal sýning ársins og leikstjóri ársins, Vanja frændi (2019) og stórsöngleikurinn Moulin Rouge(2025), sem hefur gengið fyrir fullum sal í Borgarleikhúsinu síðan í september 2025. Ólafur Kjartan Sigurðarson fer með titilhlutverkið í uppfærslunni. Hann hefur komið fram víða um heim og meðal annars sungið Niflungahringinn á Wagnerhátíðinni í Bayreuth. Fram undan eru sýningar á La Scala í mars og verkefni í Peking og Sjanghæ árin 2026 og 2027, auk frumraunar hans hjá Wiener Staatsoper á næsta starfsári. Hér er um að ræða stóra sýningu með fullskipaðri hljómsveit, tíu einsöngvurum og kór, en sungið verður á íslensku. Með Falstaff hefst jafnframt samstarf Óperunnar við Sinfóníuhljómsveit Íslands og Hörpu. Hljómsveitarstjóri verður tilkynntur síðar. Falstaff verður frumsýnd í Eldborg í mars 2027. Finnur Bjarnason er nýr óperustjóri Nýskipaður óperustjóri, Finnur Bjarnason, segir um uppfærsluna: „Falstaff varð fyrir valinu til að fleyta hinni nýju Óperu af stað. Þetta er meistaraverk sem aldrei hefur verið flutt á Íslandi, býður upp á hlutverk …

11. Jan. 2026 Finnur Bjarnason skipaður óperustjóri Í dag var tilkynnt að Finnur Bjarnason hafi verið skipaður óperustjóri – sá fyrsti eftir að Alþingi samþykkti ný lög um stofnun Óperu undir hatti Þjóðleikhússins. Það var Jóhann Páll Jóhannsson, settur menningar-, nýsköpunar- og háskólaráðherra, sem skipaði Finn í starfið til fimm ára samkvæmt tillögu hæfnisnefndar. Þjóðleikhúsið óskar Finni innilega til hamingju með skipunina og hlakkar til samstarfs á næstu árum. Langþráður draumur óperuunnenda varð að veruleika 5. júlí 2025, þegar Alþingi samþykkti frumvarp Loga Einarssonar, menningar-, nýsköpunar- og háskólaráðherra, um breytingar á lögum um sviðslistir, sem fólu í sér stofnun Óperu undir hatti Þjóðleikhússins. Óperan mun sinna óperulistinni á breiðum grunni, með sýningum víðsvegar um landið, með aðstöðu í Hörpu og einnig í Þjóðleikhúsinu. Óperan er hluti af Þjóðleikhúsinu og heyrir óperustjóri undir þjóðleikhússtjóra í skipuriti stofnunarinnar, jafnframt því sem lögð verður áhersla á víðtækt samráð við ólíka aðila í menningarlífinu. Finnur mun hefja störf 15. janúar næstkomandi og þá hefst vinna við að móta og byggja upp hina nýju óperu. Finnur Bjarnason er með meistaragráðu í menningarstjórnun frá Háskólanum á Bifröst og tvö lokapróf á meistarastigi; Postgraduate Diploma í raddþjálfun og nám í óperuflutningi (Opera Course) frá Guildhall School of Music & Drama. Hann stundaði framhaldsnám við National Opera Studio í London og hefur lokið burtfararprófi í söng frá Tónskóla Sigursveins. Finnur býr yfir víðtækri reynslu og þekkingu á vettvangi óperulistar, hefur verið fastráðinn við óperuhús í Englandi og Þýskalandi og sungið við óperuhús víða um heim. Í gegnum störf sín hefur hann öðlast dýrmæta innsýn í starfsemi óperuhúsa. „Við óskum Finni innilega til hamingju með skipunina og bindum miklar vonir við hann í starfi fyrsta óperustjóra hinnar nýju óperu. Það eru sannarlega spennandi tímar framundan og við hlökkum til að byggja óperuna upp með nýjum óperustjóra og samstarfsaðilum víðsvegar í menningarlífinu,“ segir Magnús Geir Þórðarson, þjóðleikhússtjóri. FYRRI …