Salka – ástin og dauðinn

06. Feb. 2026 Salka – ástin og dauðinn frumsýnt á Sögulofti Landnámssetursins í Borgarnesi Laugardaginn 7. febrúar frumsýnir Þjóðleikhúsið í samstarfi við Landnámssetrið í Borgarnesi einleikinn Salka – ástin og dauðinn eftir Unni Ösp Stefánsdóttur í leikstjórn Björns Thors. Sýningin er sett upp í tilefni af 20 ára afmæli Landnámssetursins. Unnur og Björn hafa heldur betur sett mark sitt á leikhúslífið á umliðnum árum og skemmst að minnast magnaðra uppsetninga þeirra á Vertu úlfur og Saknaðarilmi. Nú er röðin komin að því að takast á við eina af margbrotnustu persónum nóbelsskáldsins. Kaupa miða Salka Valka er ein eftirminnilegasta persóna Halldórs Laxness. Í sýningunni mun Unnur Ösp þræða sig í gegnum fyrri hluta sögunnar (Þú vínviður hreini), umvafin tónlist úr plötusafni Halldórs Laxness sem var skáldinu innblástur við skrif bókarinnar. Í návígi við áhorfendur kallar Unnur fram stórbrotnar persónur sögunnar, með magnaðan texta Laxness að vopni. Í gegnum hættuleg en heillandi sambönd persónanna ætlar Unnur að leita að Sölku í sér og Sölku í okkur öllum. Sýninginin fer á fjalirnar á Söguloftinu í tilefni af tuttugu ára afmæli Landnámsseturs Íslands í Borgarnesi en hún er sett upp í samstarfi við Þjóðleikhúsið. Stofnendur Landnámssetursins, þau Kjartan Ragnarsson og Sigríður Margrét Guðmundsdóttir, settu meðal annars upp geysivinsæla sýningu á Sjálfstæðu fólki Halldórs Laxness í Þjóðleikhúsinu árið 1999, og tengsl Þjóðleikhússins við setrið hafa verið sterk í gegnum tíðina. FYRRI ALLAR Fréttir Næsta Mest lesið í Feb. 06. Feb. 2026 Egill Helgason stýrir umræðum um Óresteiu 03. Feb. 2026 Sýningartímabil Óresteiu lengt fram að páskum vegna gríðarlegrar eftirspurnar 24. Feb. 2026 Gunnar Eyjólfsson aldarafmæ …

03. Des. 2025 Námskeið um Sölku og Ormstungu Þjóðleikhúsið og Endurmenntun HÍ bjóða upp á fræðandi og skemmtileg námskeið í tengslum við leiksýningar. Námskeið um söngleikinn Ormstungu er nú í fullum gangi, en Torfi H. Tulinius fræddi þátttakendur um Gunnlaugs sögu Ormstungu og höfundar söngleiksins, Hafsteinn Níelsson og Ólíver Þorsteinsson, fjölluðu um tilurðs söngleiksins og söngleikjagerð á Íslandi. Í janúar munu þátttakendur koma í heimsókn á æfingu og loks á forsýningu á verkinu. Námskeið í tengslum við sýningu Þjóðleikhússins og Landnámsseturs Íslands á Sölku verður haldið í mars. Á námskeiðinu fjallar Halldór Guðmundsson um skáldsöguna Sölku Völku. Unnur Ösp Stefánsdóttir segir frá tildrögum sýningarinnar og nálgun sinni við efniviðinn. Námskeiðinu lýkur með sýningu verksins í Landnámssetrinu í Borgarnesi, og eftir sýningu er boðið upp á umræður með Unni Ösp. Námskeið um Sölku         FYRRI ALLAR Fréttir Næsta Mest lesið í Des. 29. Des. 2025 Stórbrotin frumsýning á Óresteiu 23. Des. 2025 Þjóðleikhúsið fær öflugan liðsauka 18. Des. 2025 Óresteia, jólafrumsýning Þjóðleikhússins eftir margverðlaunaða leikstjórann Benedict Andrews …