Salka – ástin og dauðinn
SALKA – ástin og dauðinn
eftir Unni Ösp Stefánsdóttur
Leikverk byggt á fyrri hluta skáldsögu Halldórs Laxness, Sölku Völku, Þú vínviður hreini
Í tilefni af tuttugu ára afmæli Landnámsseturs Íslands í Borgarnesi taka Þjóðleikhúsið og Landnámssetrið höndum saman og bjóða upp á nýjan einleik. Unnur Ösp Stefánsdóttir mun semja og flytja nýtt leikverk byggt á skáldsögu Halldórs Laxness Sölku Völku á Sögulofti setursins.
„…en tvær sálir geta verið svo fjarlægar hvor annarri jafnvel þó þær hafi einusinni búið í sama líkama.“
Salka Valka er ein eftirminnilegasta persóna Halldórs Laxness. Í sýningunni mun Unnur Ösp þræða sig í gegnum sögu hennar, umvafin tónlist úr plötusafni Halldórs Laxness sem var skáldinu innblástur við skrif bókarinnar. Í návígi við áhorfendur kallar Unnur fram stórbrotnar persónur sögunnar, með magnaðan texta Laxness að vopni. Í gegnum hættuleg en heillandi sambönd persónanna ætlar Unnur að leita að Sölku í sér og Sölku í okkur öllum.
Í rauninni væri einfaldast að segja að þessi flutningur sé kraftaverk, svo einstakur er hann í innlifun leikkonunnar, einlægni hennar og djúpum skilningi á verkinu og persónum þess. Við sölkurnar hneigjum okkur djúpt og þökkum innilega fyrir okkur.
TMM.forlagid.is
„Hvernig skyldu menn lifa á svona stað? Og hvernig skyldu menn deyja?“
Stofnendur Landnámssetursins, þau Kjartan Ragnarsson og Sigríður Margrét Guðmundsdóttir, settu meðal annars upp geysivinsæla sýningu á Sjálfstæðu fólki Halldórs Laxness í Þjóðleikhúsinu árið 1999, og tengsl Þjóðleikhússins við setrið hafa verið sterk í gegnum tíðina.
Námskeið um verkið og sýningunaUppsetning Landnámsseturs Íslands í Borgarnesi í samstarfi við Þjóðleikhúsið.
Leikari
Höfundar
Listrænir stjórnendur
Aðrir aðstandendur sýningarinnar
