39 þrep frá Leikfélagi Hólmavíkur valin áhugaleiksýning ársins

Sýning Leikfélags Hólmavíkur á 39 þrepum hefur verið valin áhugaverðasta áhugaleiksýning ársins.Þetta er jafnframt í þrítugasta og þriðja  sinn sem Þjóðleikhúsið stendur fyrir vali á áhugaleiksýningu ársins. Að þessu sinni sóttu alls tólf leikfélög um að koma til greina við valið með þrettán sýningar.

Formaður dómnefndar var Vala Fannell, en með henni í dómnefnd sátu Elín Smáradóttir sýningarstjóri og Oddur Júlíusson leikari. Dómnefnd hefur komist að þeirri niðurstöðu að velja sem athyglisverðustu áhugaleiksýningu leikársins 2024-2025sýningu Leikfélags Hólmavíkur á 39 þrep.

Þjóðleikhúsið óskar Leikfélagi Hólmavíkur til hamingju og býður leikfélaginu að koma og sýna 39 Þrep íÞjóðleikhússins í lok maí. Miðasala verður auglýst síðar.