10. Mar. 2026 Opnað hefur verið fyrir umsóknir í Leikhússkóla Þjóðleikhússins veturinn 2026-2027 Árið 2024 stofnaði Þjóðleikhúsið nýjan leikhússkóla, sem býður upp á einstakt tækifæri fyrir ungt fólk á aldrinum 18-22 ára til að kynna sér leikhúsið frá ólíkum hliðum og efla færni sína. Nú er komið að því að taka inn þriðja árgang skólans og er skráning í Leikhússkóla Þjóðleikhússins fyrir haustið 2026 hafin. Tekið verður við umsóknum frá einstaklingum fæddum á árunum 2004-2008. Umsóknarfrestur er til og með 31. mars 2026. Skil á stuttu verkefni sem sent verður út eftir að umsóknarfresti líkur er 12. apríl 2026. Boð í prufur verða send út 15. apríl Prufur verða haldnar daganna 21. og 22. maí 2026. Skráðu þig hér! Meira um leikhússkólann FYRRI ALLAR Fréttir Næsta Mest lesið í Mar. 06. Mar. 2026 Gæðablóðin Unnsteinn, Davíð og Jónmundur helga sér Stóra sviðið í skemmtilegri og afhjúpandi sýningu 05. Mar. 2026 Nokkrum sýningum á Óresteiu hefur verið frestað vegna meiðsla leikara 05. Mar. 2026 Formlegur opnunarviðburður nýrrar Óperu verður í Hofi á Akureyr …

10. Mar. 2026 Improv Ísland fagnar 10 ára afmæli Leikhópurinn Improv Ísland fagnaði tíu ára afmæli sínu nú fyrir helgi með hátíðlegri spunasýningu eins og þeim einum er lagið. Gestir veltust um af hlátri niðri í Þjóðleikhúskjallara rétt eins og þeir hafa gert öll tíu árin sem hópurinn hefur sýnt spunaleikhús. Forsetahjónin sáu hátíðlega sýningu hópsins og óskuðu listafólkinu til hamingju, ásamt Þjóðleikhússtjóra og fleiri frábærum gestum. Improv Ísland eru brautryðjendur í spunalilst á Íslandi. Hver sýning er frumsýning og lokasýning á brakandi fersku gríni sem verður til á staðnum. Um tuttugu spunaleikarar skiptast á að sýna ólíkar tegundir af spuna öll miðvikudagskvöld í Þjóðleikhúskjallaranum. Þjóðleikhúsið þakkar Improv Ísland fyrir dýrmætt samstarf og óskar hópnum frekari hláturs, velgengni farsældar um ókomna tíð. Nánar um Improv   FYRRI ALLAR Fréttir Næsta Mest lesið í Mar. 10. Mar. 2026 Opnað hefur verið fyrir umsóknir í Leikhússkóla Þjóðleikhússins veturinn 2026-2027 06. Mar. 2026 Gæðablóðin Unnsteinn, Davíð og Jónmundur helga sér Stóra sviðið í skemmtilegri og afhjúpandi sýningu 05. Mar. 2026 Nokkrum sýningum á Óresteiu hefur verið frestað vegna meiðsla leikara …

Gæðablóðin Unnsteinn, Davíð og Jónmundur helga sér Stóra sviðið í skemmtilegri og afhjúpandi sýningu 06. Mar. 2026 Fimmtudaginn 12. mars frumsýnir Þjóðleikhúsið sýninguna Gæðablóð. Í sýningunni sem er um klst. löng deila þeir Davíð Þór Kristínarson, Jónmundur Grétarsson og Unnsteinn Manuel reynslu sinni og sviðsetja sprenghlægileg og grafalvarleg atvik úr eigin lífi sem afhjúpa samfélagið á óvæntan hátt. Þessir þrír listamenn eiga það sameiginlegt að vera rammíslenskir en geta hver um sig rakið uppruna sinn til tveggja heimsálfa. Í þessari einlægu sýningu deila þeir reynslu sinni og sviðsetja sprenghlægileg og grafalvarleg atvik úr eigin lífi sem afhjúpa samfélagið á óvæntan hátt. Leikararnir þrír eru einnig höfundar verksins ásamt leikstjóranum Þóru Karítas Árnadóttur. Kaupa miða „Ég bara sé ekki liti. Mér er bara alveg sama hvernig þú ert á litinn. Bara ef þú værir rauður eða FJÓLUBLÁR bara skiptir mig engu máli.“ „Fjólublár!? Ég ætla rétt að vona að ef ég væri fjólublár að þá myndirðu hringja á sjúkrabíl.“ Á undanförnum árum hefur leikhúslistafólk með fjölbreyttan bakgrunn miðlað sögum sínum með áhrifamiklum hætti í Þjóðleikhúsinu og veitt okkur öllum nýja innsýn inn í hinn margbreytilega veruleika okkar. Má þar nefna sýningar á borð við Góðan daginn faggi, Á rauðu ljósi og Taktu flugið beibí. „Já en hvaðan ertu svona upprunalega?“ Nú er er komið að þeim Davíð Þór, Jónmundi og Unnsteini að helga sér Stóra sviðið! Höfundar / Handrit Davíð Þór Katrínarson Jónmundur Grétarsson Unnsteinn Manuel Stefánsson Þóra Karítas Árnadóttir Gréta Kristín Ómarsdóttir tók þátt í þróun verksins og fyrri hluta handritaskrifa. „Þegar strákarnir sögðu svertingjabrandara hló ég með og fallegasta hrós sem ég fékk var: En þú ert samt eiginlega ekki svartur.“   Listrænir stjórnendur Leikstjórn Þóra Karítas Árnadóttir Leikmynd og búningar Ingibjörg Jara Sigurðardóttir Lýsing Ásta Jónína Arnardóttir Tónlist og tónlistarstjórn Kristofer Rodriguez Svönuson Hljóðhönnun Kristján Sigmundur Einarsson  Framleiðslu- …

05. Mar. 2026 Nokkrum sýningum á Óresteiu hefur verið frestað vegna meiðsla leikara Uppsetning Benedicts Andrews í Þjóðleikhúsinu á Óresteiu er af mörgum talin tímamótasýning og gagnrýnendur hafa hlaðið sýninguna lofi og ekkert lát er á aðsókn. Þegar uppselt var orðið út sýningartímabilið var tekin ákvörðun um að framlengja það. Sýningin sem er ríflega fjórir tímar á lengd og byggir á verk Æskílosar er mögnuð upplifun sem fjöldi leikhúsgesta hefur lýst sem einstakri og kallað verkið eitt það besta sem þau hafa séð í íslensku leikhúsi. Því miður varð einn leikaranna, Ebba Katrín Finnsdóttir, fyrir því óláni að slasast í upphitun fyrir sýningu í síðustu viku. Hún lék engu að síður þá sýningu en við nánari skoðun og samkvæmt læknisráði þurfti hún að fara í aðgerð og þarf í kjölfarið hvíld í nokkurn tíma. Því hefur öllum sýningum sem fyrirhugaðar voru til 15.mars verið frestað. Sýningin er krefjandi bæði líkamlega og andlega og allir leikarar eru inni á sviði allan tímann og því  er engin leið að halda sýningum áfram fyrr en Ebba verður heil og óhætt er að halda sýningum áfram.   Sýningartímabilið hefur því verið framlengt enn frekar og nú er áætlað að ljúka sýningum í byrjun maí til að tryggja að allir sem hafa tryggt sér miða fái að sjá þessa mögnuðu sýningu. Allir miðahafar hafa verið látnir vita og þeim boðist nýir miðar.  Okkur í Þjóðleikhúsinu þykir að sjálfsögðu leitt að þurfa að fresta sýningum og raska þannig áformum leikhúsgesta – en því miður er lítið við þessu að gera, leikhúsið er jú lifandi listform sem byggir á þátttöku okkar frábæru listamanna og þar geta komið upp forföll.  Sýningin er öllum listamönnum og starfsfólki leikhússins afar kær og því hlökkum við til að mæta áhorfendum á ný með Óresteiu. Miðasala Þjóðleikhússins leggur sig að sjálfsögðu fram við að …

05. Mar. 2026 Formlegur opnunarviðburður nýrrar Óperu verður í Hofi á Akureyri Ljósmynd: Aðunn Níelsson Nýstofnuð ópera mun hefja starfsemi utan höfuðborgarsvæðsins – nánar tiltekið í Hofi á Akureyri þar sem boðið verður upp á veglegan opnunarviðburð í haust. Í framhaldinu verður viðburðurinn fluttur víðar um land, m.a. á Egilsstöðum og að endingu í Reykjavík. Er þetta í takt við stefnu hinnar nýju Óperu en lagt er upp með að starfsemin verði um allt land – enda ópera þjóðarinnar allrar. Opnunarviðburðurinn mun samanstanda af skemmtilegri dagskrá þar sem Sinfóníuhljómsveit Norðurlands, einsöngvarar, kórar og leikarar munu leiða áheyrendur meðfram helstu vörðum óperusögunnar og tengja við mikilvæg tímamót í íslenskri menningar- og hugmyndasögu. Á tónleikunum munu m.a. koma fram nýráðnir söngvarar óperunnar en hverjir það verða liggur ekki fyrir að svo stöddu því ekki hefur enn verið ráðið í stöðurnar. Leikarar Þjóðleikhússins munu taka þátt í uppsetningunni en Óperan er sem kunnugt er hluti af Þjóðleikhúsinu. Ólafur Egilsson mun leikstýra dagskránni í Hofi sem verður vegleg og skemmtileg en miðasala verður auglýst síðar. Að sögn Þorvaldar Bjarna Þorvaldssonar tónlistarstjóra Menningarfélags Akureyrar, er það einstakt gleðiefni að þessi viðburður verði í Hofi á Akureyri og gefi skýrt til kynna að óperan ætli sér að standa undir nafni. Sýningin er framleidd í samstarfi við Menningarfélagið sem rekur Sinfóníuhljómsveit Norðurlands, Leikfélag Akureyrar og Menningarhúsið Hof, en öll svið félagsins taka þátt í sköpun og framkvæmd þessarar opnunarsýningar Óperunnar á Íslandi. Finnur Bjarnason, óperustjóri, segir verkefnið afar spennandi og leggur áherslu á að mikilvægt sé að landsmenn um allt land fái tækifæri til að bæði kynnast og taka þátt í starfsemi óperunnar frá upphafi. Hann segir viðburðinn eins konar ferðalag þar sem saga óperunnar og íslensk menning mætast og varpa ljósi á hvernig þessir menningarheimar hafa þróast samhliða og haft áhrif hvor á annan. FYRRI ALLAR …