Jólin á suðupunkti
Sýningin sem gerði allt vitlaust í fyrra snýr aftur í Þjóðleikhúskjallarann!
Nú mæta ofurkonurnar í Raddbandinu aftur – stressaðri, þreyttari og með enn fleiri bolta á lofti.
Við fylgjumst með ungum mæðrum undirbúa hin fullkomnu jól, án þess þó að gefa nokkuð eftir í móðurhlutverkinu. Ná þær að töfra fram heilög jól í tæka tíð eða tryllast þær á sjálfsafgreiðslukassanum í Bónus?
Leikkonur og höfundar verksins, Auður Finnbogadóttir, Rakel Björk Björnsdóttir og Viktoría Sigurðardóttir, fara á kostum í sýningu sem byggð er á sönnum atburðum sem hefðu líklega átt að vera einkamál.
Stórskemmtileg kvöldstund þar sem tónlist, leikhús og dans renna saman í eina allsherjar jólasprengju!
Raddbandið vakti einnig athygli fyrir fjölskyldusöngleikinn Hver vill vera prinsessa? í Tjarnarbíó sem hlaut frábæra dóma og var talinn einn af hápunktum leikársins 2025 af menningargagnrýnanda Morgunblaðsins.
Myndbönd
Leikarar
Listrænir stjórnendur
Guðjón Ragnarsson, Matthías Tryggvi Haraldsson, Sigurður Halldórsson, Stefanía Adolfsdóttir, Þjóðleikhúsið og Borgarleikhúsið.
