Auður Finnbogadóttir hefur starfað sem leikkona bæði á sviði og í sjónvarpi heima og erlendis síðan hún útskrifaðist úr The American Academy of Dramatic Arts í Hollywood, Los Angeles. Þar útskrifaðist hún með heiðursverðlaunin Charles Jehlinger award sem besta leikkonan.
Auður er höfundur, leik- og söngkona í Raddbandinu sem hefur komið víða fram og haldið kómíska jólatónleika síðustu ár. Núverið framleiddi og frumsýndi leikhópurinn söngleikinn Hver vill vera prinsessa? í Tjarnarbíó við góðar undirtektir.
Síðustu söngleikir sem Auður hefur leikið í eru Kardemommubærinn í Þjóðleikhúsinu, We Will Rock You í Háskólabíói og First Time sem var sýnt í Gaflaraleikhúsinu, Unicorn Theatre í London og á Edinburgh Fringe Festival. Í Los Angeles lék hún í Bombshells LIVE í Norris Theatre og Harry Potter Nineteen years later á Hollywood Fringe Festival.
Auður hefur einnig leikið í kvikmynda- og sjónvarps verkefnum á borð við Avalance, Gullregn, Venjulegt fólk, Meikar ekki sens, WitchHaven, Life as a Mermaid, The Family Business, ásamt fjölda stuttmynda. Á kvikmyndahátíðinni Festigious Film Festival í Los Angeles hlaut Auður verðlaun sem besta leikkona í aðalhlutverki fyrir leik sinn í myndinni No Surprises.
Auður er einnig stofnandi og skólastjóri í Dýnamík Sviðslistaskóla á Faxatorgi sem er í samstarfi við Doorway Casting. Þar starfar hún einnig sem höfundur leikverka, danshöfundur og leikstjóri. Síðast leikstýrði hún verkinu Blúndur & Blásýru sem var sýnt á nýja sviði
Borgarleikhússins.
