Þjóðleikhúsið leitar að 8 – 11 ára stelpum til að leika Önnu og Elsu í stórsöngleiknum FROSTI

Í tengslum við sýninguna FROST sem frumsýnd verður í mars á Stóra sviði Þjóðleikhússins, stendur nú yfir leit að tveimur 8-11 ára stelpum (fæddum 2012-2015) til þess að fara með hlutverk Önnu yngri, og Elsu yngri. Hægt er að skila inn rafrænum leikprufum á vef leikhússins en síðasti dagur til að skila prufu er sunnudagurinn 15. október.

Forsala á stórsöngleikinn hófst í síðustu viku og ljóst er að það eru margir spenntir því nú þegar er orðið uppselt á ríflega tuttugu sýningar. Sagan um systurnar Önnu og Elsu sló rækilega í gegn þegar hún kom út sem kvikmynd árið 2013. Margar kynslóðir barna þekkja ævintýrið, sem byggir á sögunni um Snædrottninguna, út og inn. Það eru þær

Allar upplýsingar um prufurnar er að finna hér:
Nánar um leikprufur

Frost er sýnd í samstarfi við Vesturport, Det Norske Teatret í Osló, Borgarleikhúsið í Stokkhólmi, Borgarleikhúsið í Helsinki og fleiri leikhús á Norðurlöndum. Sýnt með leyfi Disney Theatrical Productions.

Vala Kristín Eiríksdóttir leikur Önnu og Hildur Vala Baldursdóttir leikur Elsu.

Gísli Örn Garðarsson mun leikstýra Frost en sýningin verður sett upp á Íslandi, í Noregi, Svíþjóð, Finnlandi og Danmörku. Sýningin er samstarfsverkefni Vesturports og Det Norske Teatret í Osló, Þjóðleikhússins á Íslandi, Borgarleikhússins í Stokkhólmi og Borgarleikhússins í Helsinki. Tilkynnt verður um danskt leikhús innan tíðar.