Rafrænar prufur fyrir menntaða leikara 2022
Annað árið í röð býður Þjóðleikhúsið menntuðum leikurum að senda inn umsóknir og upptökur (rafrænar prufur). Prufurnar eru hugsaðar vegna verkefna á leikárinu 2022-2023. Leikarar af öllum kynjum og mismunandi uppruna eru hvattir til að senda inn prufur.
Skráning á umsóknum og innsending á prufugögnum fer fram í gegnum skráningarform á vefsíðu leikhússins. Senda skal inn gögn skv. nánari leiðbeiningum á vefnum, þ.e. upplýsingar um feril, ljósmynd og stutt myndband. Öllum umsóknum verður svarað, en ekki verða allir boðaðir í framhaldsprufur.
Umsóknarfrestur er til og með 7. mars.
SENDA UMSÓKNÁ síðasta ári bárust ríflega eitt hundrað umsóknir og í kjölfarið voru nokkrir leikarar ráðnir til verkefna við húsið. Þeir sem sendu inn prufur í fyrra og óskuðu eftir því að leikhúsið varðveitti prufurnar áfram, þurfa ekki að senda inn nýjar prufur enda eru hinar fyrri enn fullgildar.
