Hádegisleikhús Þjóðleikhússins hefur göngu sína á ný með verki eftir Jón Gnarr

Þjóðleikhúsið frumsýndi nýtt íslenskt verk eftir Jón Gnarr í Hádegisleikhúsinu í gær. Verkið er bráðfyndið  þar sem Gói og Pálmi Gests fara á kostum. Tveir menn hafa verk að vinna. Þeir hafa unnið svo lengi saman að þeir gerþekkja hvor annan. Eða hvað? Einstaklega skemmtilegur gamanleikur sem kemur á óvart.

Hví ekki að njóta með vinum eða vinnufélögum?

Hádegisleikhús Þjóðleikhússins tók til starfa í endurnýjuðum Leikhúskjallara. Þar sjá gestir sýningu á nýju íslensku leikriti um leið og þeir snæða léttan hádegiusverð. Húsið opnar kl. 11.45 og matur er borinn fram á bilinu 12:00 -12.15. Leiksýningin hefst kl. 12.20 og tekur tæpan hálftíma.

Fjögur ný íslensk verk voru valin voru úr innsendu efni í handritasamkeppni sem Þjóðleikhúsið hélt í samstarfi við RÚV. Verkið eftir Jón Gnarr er þriðja verkið sem tekið er til sýninga í Hádegisleikhúsinu. Auk Jóns, voru verk eftir Bjarna Jónsson, Hildi Selmu Sigurbjörnsdóttur og Sólveigu Eir Stewart valin til sýninga.

Tilvalið fyrir vinnustaði