02. Jún. 2020
Þjóðleikhúsið með flestar tilnefningar til Grímunnar í ár eða alls 41
Þjóðleikhúsið hefur aldrei fengið jafn margar tilnefningar á einu leikári. Þrjár sýningar leikhússins, Atómstöðin – endurlit, Engillinn og Eyður hlutu 10 tilnefningar eða meira. Atómstöðin – endurlit er með flestar tilnefningar til Grímunnar í ár eða 12 talsins.
  • Úr Atómstöðinni. Ebba Katrín Finnsdóttir lék Uglu og hreppti tilnefningu til Grímunnar fyrir.

Þjóðleikhúsið hlýtur 41 tilnefningu til Grímuverðlauna í ár. Atkvæðamestar eru sýningarnar Atómstöðin endurlit, sem fær alls 12 tilnefningar, dansverkið Eyður í samstarfi við Marmarabörn sem fær 11 tilnefningar og sýningin Engillinn sem byggir á höfundarverki Þorvaldar Þorsteinssonar og fær 10 tilnefningar.

Bæði Atómstöðin – endurlit og Engillinn eru tilnefndar sem leiksýning ársins. Atómstöðin – endurlit eftir Halldór Laxness Halldórsson og Unu Þorleifsdóttur, byggt á skáldsögu Halldórs Laxness og Engillinn eftir Finn Arnar Arnarsson og Þorvald Þorsteinsson eru tilnefnd í flokknum leikrit ársins. Þá eru leikstjórarnir Una Þorleifsdóttir og Finnur Arnar tilnefnd sem leikstjórar ársins fyrir sömu sýningar. Marmarabörn eru einnig tilnefnd fyrir Eyður í flokkunum sýning ársins og leikrit ársins.

Sýningin Þitt eigið leikrit II – Tímaferðalag er tilnefnd sem barnasýning ársins.

Leikarar Þjóðleikhússins sem eru tilnefndir eru Pálmi Gestson, Björn Thors, Ebba Katrín Finnsdóttir, Oddur Júlíusson, Eggert Þorleifsson, Arndís Hrönn Egilsdóttir, Ilmur Kristjánsdóttir, Birgitta Birgisdóttir, Lára Jóhanna Jónsdóttir og Katrín Gunnardóttir (Marmarabörn).

Aðrar sýningar leikhússins sem hljóta tilnefningar til Grímunnar eru Shakespeare verður ástfanginn, Ör (eða Maðurinn er eina dýrið sem grætur) og samstarfsverkefnin Brúðumeistarinn og Brúðkaup Fígarós.

Hér má sjá allar tilnefningar til Grímunnar 2020.

Tilnefningar til Grímunnar 2020

Opnunartími miðasölu
Opið frá 12-18 á virkum dögum Sýningardögum frá 12-20
Heimilisfang
Hverfisgata 19, 101 reykjavík
Sjá á korti
Sími