Pörupiltar með kynfræðslu í Kjallaranum
Nemendum í 9. bekkjum grunnskóla boðið í leikhús
Þessa dagana streymar unglingar í Þjóðleikhúsið til að hljóta kynfræðslu hjá hinum knáu Pörupiltum.
Nemendum í 9. bekkjum grunnskóla er boðið að koma í leikhúsið ásamt kennurum sínum, hlæja og hafa gaman og um leið vonandi að fræðast um þetta eldfima en skemmtilega efni. Undanfarin fimm ár hefur sýningin lagst mjög vel í áhorfendur og hafa nemendur og kennarar verið á einu máli um að hún hafi verið í senn fyndin og fróðleg.
Pörupiltar eru þrjár leikkonur sem klæða sig upp í karlmannsgervi og slógu í gegn með uppstandið Homo Erectus í Þjóðleikhúskjallaranum fyrir nokkurm árum, þar sem þeir fjölluðu um samskipti kynjanna og náðu vel til þeirra ungmenna sem komu á sýninguna. Nú hjálpa þær unglingunum að feta sig á hálum vegi kynlífsins og gera það með húmor og gleði.
