Langar þig að vinna í framhúsi Þjóðleikhússins?

Ertu þjónustulundaður gleðipinni?

Óskum eftir að ráða jákvæða, þjónustulundaða og snyrtilega gleðipinna í framhús Þjóðleikhússins frá og með byrjun ágúst nk. Um er að ræða störf í þjónustu við gesti leikhússins með það að markmiði að auka jákvæða upplifun sýningargesta með framúrskarandi þjónustu og hlýju og glaðlegu viðmóti.  Um tímavinnu er að ræða, á kvöldin og um helgar.

Gleðipinnarnir okkar þurfa að vera stundvísir, sveigjanlegir, þjónustulundaðir og að geta unnið undir  álagi. Aldurstakmark er 20 ár og reynsla af þjónustustörfum æskileg. Hvetjum öll kyn til að sækja um og taka þátt í spennandi verkefnum vetrarins með gleði í hjarta og bros á vör.
Umsóknarfrestur er til og með 17. júní.