Einstök stemning á Ronju

Um helgina mætti fjöldi barna og foreldra í Þjóðleikhúsið á fjölskyldusöngleikinn frábæra um Ronju ræningjadóttur. Á meðal þeirra sem skemmtu sér konunglega var fríður hópur frá Einstökum börnum. Að sýningu lokinni hittu þau leikara sýningarinnar. Það fór vel á með þeim og gleðin skein úr hverju andliti eins og sést á meðfylgjandi myndum. Einstök börn er stuðningsfélag barna og ungmenna með sjaldgæfa, jafnvel ógreinda sjúkdóma eða skerðingar.