Agnes Wild

Agnes Wild lauk BA námi í leiklist frá East 15 acting school í London árið 2013.
Frá útskrift hefur Agnes starfað sem leikstjóri með áherslu á barnaleikhús. Hún er einn stofnenda leikhópsins Miðnættis en hópurinn hlaut tilnefningu til Grímuverðlaunanna 2021 fyrir sýninguna Tjaldið en Agnes hlaut einnig tilnefningu sem leikstjóri ársins fyrir þá sýningu, einnig hefur Agnes og Miðnætti verið tilnefnd árið 2017 fyrir sýninguna Á eigin fótum sem barnasýning ársins og Agnes fyrir dans og sviðshreyfingar.

Meðal annarra leikstjórnar verkefna má nefna Á eigin fótum í Þjóðleikhúsinu (2024) Allra veðra von með Hringleik (2021), Tréð með leikhópnum Lalalab (2020), Karíus og Baktus í Hörpu (2020), Galdragáttin og þjóðsagan sem gleymdist með leikhópnum Umskiptingar og MAK, Fokkað í Fullveldinu á vegum fullveldishátíðar og Þjóðleikhússins (2018), Shrek og Legally blonde fyrir Kvennaskólann (2018 og 2017), Krúnk krúnk og dirrindí fyrir Menningarfélag Akureyrar (2018) og Elska með leikhópnum Artik (2016). Árið 2015 var Agnes aðstoðarleikstjóri í sýningunni Í Hjarta Hróa Hattar í Þjóðleikhúsinu.