Stefnir í þrjár uppseldar sýningar á Akureyri

Alls verða sýndar þrjár sýningar á Saknaðarilmi næstu þrjú kvöld í Hofi á Akureyri. Upphaflega stóð til að sýna aðeins tvisvar en í ljósi mikillar eftirspurnar var þriðju sýningunni bætt við á laugardag og þegar þetta er ritað er enn nokkur sæti laus.
Hér er hægt að kaupa miða á sýningar í Hofi:

Saknaðarilmur sópaði til sín verðlaunum á síðustu Grímuhátíð og var meðal annars valin sýning ársins. Alls hlaut sýningin átta Grímutilnefningar. Saknaðarilmur verður aftur á fjölum Þjóðleikhússins í haust og sýningar þegar komnar í sölu.

Þegar fullorðin skáldkona missir móður sína er komið að stóra uppgjörinu. Nú fyrst er hún tilbúin til þess að horfast í augu við erfiða æsku sína, föðurmissi, geðveikina, ástina og sturlað lífshlaup sitt. Af hverju náðu þessar tvær konur aldrei sambandi, þó að þær hafi deilt öllu lífi sínu, og reynt að horfast í augu í gegnum sorgir og sigra? ​

Leikari: Unnur Ösp Stefánsdóttir
Leikstjórn: Björn Thors​
Höfundur: Unnur Ösp Stefánsdóttir, byggt á bókum Elísabetar Jökulsdóttur​

Leikmynd: Elín Hansdóttir​
Búningar: Filippía I. Elísdóttir​
Ljósahönnun: Björn Bergsteinn Guðmundsson​
Hljóðhönnun: Skúli Sverrisson, Aron Þór Arnaldsson og Ólöf Arnalds​
Tónlist: Ólöf Arnalds og Skúli Sverrisson​
Sviðshreyfingar: Margrét Bjarnadóttir

Listræna teymið á bak við sýninguna