Pólsk menningarhátíð í Þjóðleikhúsinu í júní
Nú í júní verður haldin pólsk menningarhátíð í samstarfi Þjóðleikhússins og Teatr im Stefan Żeromski leikhússins í Kielce í Póllandi. Sýnd verður ein af mögnuðustu leiksýningum Stefan Żeromski leikhússins á Stóra sviði Þjóðleikhússins, haldin verður opin vinnustofa um þær aðferðir sviðslistanna sem byggðar eru á þjóðlegum pólskum arfi og menningu og Paweł Sablik dramatúrg heldur fyrirlestur um pólskan þjóðararf og birtingarmyndir hans í pólsku leikhúsi.
