19. Feb. 2020
Nýir listrænir stjórnendur við Þjóðleikhúsið

Til að efla leikhúsið, skerpa á listrænni sýn og stöðu hefur  Þjóðleikhúsið fastráðið fjóra öfluga og reynda listræna stjórnendur til að skipa teymi listrænna stjórnenda við leikhúsið ásamt leikhússtjóra. Allir verða þeir virkir í listrænni sköpun í leikhúsinu ásamt öðrum listamönnum hússins. Hlutverk teymis fastráðinna listrænna stjórnenda er jafnframt að taka þátt í að móta listræna stefnu leikhússins með þjóðleikhússtjóra og styðja við hana, auk stefnumótunar fyrir leikhúsið almennt.
Lesa meira!

Eftirtaldir hafa verið fastráðnir listrænir stjórnendur við Þjóðleikhúsið:

· Hrafnhildur Hagalín Guðmundsdóttir sem listrænn ráðunautur og staðgengill leikhússtjóra

· Ólafur Egill Egilsson sem fastráðinn leikstjóri

· Ilmur Stefánsdóttir sem fastráðinn leikmyndahöfundur

· Björn Bergsteinn Guðmundsson sem yfirljósahönnuður

Auk þeirra þá hefur Unnur Ösp Stefánsdóttir einnig gengið til liðs við leikhúsið og mun vinna jöfnum höndum sem leikari og leikstjóri á komandi árum.

„Það er gríðarlegur fengur fyrir Þjóðleikhúsið að fá þessa reyndu og öflugu listamenn til liðs við leikhúsið. Þessir leikhúslistamenn eru leiðandi, hver í sínum flokki. Ég er ekki í vafa um að landsmenn eigi eftir að njóta margra ógleymanlegra sýninga undir þeirra stjórn á næstu árum. Auk þess mun þessi hópur skipa þétt teymi sem vinnur að listrænni stefnu hússins – en leikhúsið stendur á skapandi tímamótum nú á 70 ára afmæli Þjóðleikhússins,“segir Magnús Geir þjóðleikhússtjóri og bætir við að þessir listamenn bætist við frábæran hóp sem starfar í leikhúsinu. „Það eru spennandi tímar framundan í Þjóðleikhúsinu“, segir Magnús Geir að lokum en hann tók við starfi þjóðleikhússtjóra um áramótin

Opnunartími miðasölu
Opið frá 12-18 á virkum dögum Sýningardögum frá 12-20
Heimilisfang
Hverfisgata 19, 101 reykjavík
Sjá á korti
Sími