Einn fremsti danshöfundur Evrópu í hópi listrænna stjórnenda Ormstungu
Liam Steel
Danshöfundurinn Liam Steel er einn þeirra listrænu stjórnenda sem vinnu nú af af kappi við sviðsetningu Ormstungu. Liam hefur getið sér gott orð sem einn fremsti „kóreógrafer“ Evrópu. Hann hefur um árabil starfað jöfnum höndum í leikhúsi, óperum og kvikmyndum víða um heim og vakið verðskuldaða eftirtekt.
Liam var danshöfundar í verðlaunaðri kvikmyndaútgáfu söngleiksins Les Misérables em var enn ein rós í hnappagatið. Liam hefur m.a. unnið fyrir Manchester Royal Exchange, The Royal Shakespeare Company og Breska Þjóðleikhúsið. Það er sannarlega heilmikill hvalreki fyrir Þjóðleikhúsið og ekki síður leikhúsunnendur að fá slíkan stórlax í okkar lið. Við bjóðum hann hjartanlega velkominn.
Nánar um Ormstungu
Í nýlegu viðtali lét Liam hafa það eftir sér að hann sæktist í að láta reyna á sig og jafnvel hræðast aðeins. „Um leið og mér líður of þægilega þá finnst mér kominn tími til að hrista almennilega upp í sjálfum mér.“
