Guðmundur leikur í Sem á himni í Þjóðleikhúsinu.

Gummi Binni er í 6. bekk í Landakotsskóla. Hann hefur æft fótbolta og dans frá þriggja ára aldri. Hann lagði stund á klassískan ballet og hip hop í Randolph Academy for the Performing Arts í Toronto í Kanada og síðar í Óskandi og Söngleikjadeild Birnu Björns. Hann hefur tekið þátt í fjölda nemendasýninga, leikið í áramótaskaupi Sjónvarpsins og í tónlistarmyndböndum. Hann dansaði í kvikmyndinni Abbababb og lék í jóladagatali Sjónvarpsins 2022. Gummi Binni spilar á píanó og tók þátt í að semja nýtt afmælislag fyrir tíu ára afmæli Hörpu 2021. Skemmtilegast af öllu finnst honum að leysa Rubiks kubb.