/
Starfsfólk Þjóðleikhússins

Eva Signý Berger

/

Eva Signý Berger hefur starfað sem leikmynda- og búningahöfundur við fjölda sviðsverka, m.a. hjá Þjóðleikhúsinu, LR, ÍD og Íslensku óperunni. Hún útskrifaðist úr leikmynda- og búningahönnun við Central Saint Martins College of Art and Design í London 2007. Hún gerði leikmynd fyrir Jónsmessunæturdraum og Konuna við 1000°, búninga fyrir Meistarann og Margarítu og leikmynd og búninga fyrir Brúðumeistarann, Óvin fólksins, Tímaþjófinn, Gott fólk, ≈ [um það bil], Svanir skilja ekki og Harmsögu hér í Þjóðleikhúsinu. Í Borgarleikhúsinu hannaði hún síðast leikmynd fyrir Emil í Kattholti og Þéttingu hryggðar. Hún hefur hlotið 9 tilnefningar til Grímunnar og árið 2019 fór hún sem fulltrúi Íslands á Prag Feræringinn (PQ), heimssýningu sviðslistahönnunar í Prag. Eva Signý gerir búninga fyrir Ást og upplýsingar í Þjóðleikhúsinu í vetur.

 

Nánar um feril:

Eva starfar jöfnum höndum sem leikmynda- og búningahöfundur og hefur starfað við fjölda leiksýninga og listviðburða. Hún lærði leikmynda- og búningahönnun við Central Saint Martins College of Art and Design í London og útskrifaðist árið 2007. Eva gerði leikmynd fyrir Jónsmessunæturdraum og Konuna við 1000° og leikmynd og búninga fyrir sýningarnar Óvin fólksins, Tímaþjófinn, Gott fólk, ≈ [um það bil], Svanir skilja ekki og Harmsögu hér í Þjóðleikhúsinu.

Eva hannaði fyrir eftirfarandi samstarfsverkefni Þjóðleikhússins, Insomnia hjá Stertabendu, Nýjustu fréttir hjá VaVaVoom, Hvörf hjá Lab Loka, og Kviku sem sýnd var í samstarfi við Katrínu Gunnarsdóttur. Auk Kviku hefur Eva hannað leikmyndir og búninga fyrir danssýningar Katrínar Shades of History, Crescendo, End of an Era og nú síðast ÞEL með Íslenska dansflokknum. Við Borgarleikhúsið hefur hún hannað leikmynd og búninga fyrir sýningarnar Skúmaskot, Auglýsingu ársins og Hystory og búninga fyrir sýninguna Bæng.

Fyrir Íslensku óperuna hannaði hún leikmyndir fyrir uppfærslur á Évgení Onegin og Hans og Grétu. Aðrar sýningar Evu í vetur eru Brúðumeistarinn eftir Bernd Ogrodnik hér í Þjóðleikhúsinu og Veisla í Borgarleikhúsinu. Eva Signý hefur hlotið tilnefningar til Grímunnar fyrir leikmyndir sínar í Crescendo, Évgení Onegin og Konunni við 1000° og fyrir búninga í Bæng, Atómstjörnu, Tímaþjófnum og Auglýsingu ársins. Heimasíða: evaberger.is

/

Sýningar

Opnunartími miðasölu

Miðasala Þjóðleikhússins verður opin á nýjan leik eftir sumarleyfi þann 19. ágúst.

Heimilisfang
Hverfisgata 19, 101 reykjavík
Sjá á korti
Sími