Opið hús á Menningarnótt

Lína Langsokkur á Stóra sviðinu og Improv maraþon í kjallaranum

Þjóðleikhúsið býður gestum og gangandi að líta inn á laugardag. Boðið verður upp á atriði úr barnasýningu ársins, Línu Langsokk, þrisvar sinnum yfir daginn auk þess sem hið ótrúlega vinsæla Improv maraþon verður á sínum stað í Kjallaranum.

Þú getur nælt þér í kynningarrit fyrir leikárið 2026-27 í leikhúsinu!

Hægt verður að kaupa léttar veitingar, kasta mæðinni í forsalnum, skoða glænýtt og spennandi leikár og njóta skemmtiatriðanna.

Dagskráin verður sem hér segir:

Lína Langsokkur á Stóra sviðinu
– kl. 14, 15 og 16.

Spunamaraþon Improv í Kjallaranum
– hefst kl. 15.00 og verður á hálftíma fresti til kl. 22.

Verið öll hjartanlega velkomin á meðan húsrúm leyfir.